காங்கிரஸ் Vs சி.பி.எம்: தொடரும் 'அரசியல்' படுகொலைகளால் பற்றி எரியும் கேரளா! - என்ன நடக்கிறது அங்கு?

0

அடுத்தடுத்து தொடரும் அரசியல் படுகொலைகளால், கொலைக்களமாக மாறிவருகிறது கேரளா. கடந்த மாதம்தான் ஆலப்புழா மாவட்டத்தில் எஸ்.டி.பி.ஐ - பா.ஜ.க இடையே நிலவிவந்த பிரச்னையின் காரணமாக இருதரப்பிலும் அரசியல் படுகொலைகள் நடந்து கேரளாவையே பதறவைத்தன. இந்த சூடு தணிவதற்குள், தற்போது காங்கிரஸ் - சி.பி.எம் கட்சிகளுக்கு இடையேயான மோதலில் ஒருவர் படுகொலை செய்யப்பட்டிருக்கிறார்.

கொலை செய்யப்பட்ட எஸ்.எஃப்.ஐ மாணவர் செயற்பாட்டாளர் தீரஜ்

கேரளாவின் இடுக்கி மாவட்டத்தில் உள்ள அரசு பொறியியல் கல்லூரியில் நேற்று முன் தினம் மாணவர் சங்கத் தேர்தல் நடைபெற்றது. அப்போது, காங்கிரஸ் கட்சியில் மாணவர் பிரிவான கே.எஸ்.யூ-வுக்கும் (Kerala Students Union -KSU), சி.பி.எம் கட்சியின் மாணவர் பிரிவான எஸ்.எஃப்.ஐ-க்கும் (Students' Federation of India-SFI) இடையே கடுமையான மோதல் வெடித்தது. இந்த மோதலில், எஸ்.எஃப்.ஐ மாணவர் செயற்பாட்டாளரும், கல்லூரியில் இரண்டாம் ஆண்டு படித்து வருபவருமான தீரஜ் என்ற மாணவர் கத்தியால் குத்தி கொல்லப்பட்டார். படுகாயமடைந்த மேலும் மூன்று எஸ்.எஃப்.ஐ மாணவர்களில் ஒருவர் உயிருக்குப் போராடிவரும் நிலையில், சிகிச்சை பெற்றுவருகிறார். இந்த சம்பவத்தை தொடர்ந்து கல்லூரிக்கு காலவரையற்ற விடுமுறை அளிக்கப்பட்டிருக்கிறது.

படுகொலை எதிரொலி:

இருப்பினும் இந்தச் சம்பவத்தின் எதிரொலியாக கேரளாவின் பல்வேறு மாவட்டங்களில் காங்கிரஸ் - சி.பி.எம் இடையே மோதல் ஏற்பட்டிருக்கிறது. குறிப்பாக, படுகொலையான மாணவன் தீரஜின் சொந்த மாவட்டத்தில் உள்ள காங்கிரஸ் அலுவலகம் அடித்து நொறுக்கப்பட்டிருக்கிறது. எர்ணாகுளம் மாவட்டத்தில் உள்ள மகாராஜா கல்லூரியிலும் எஸ்.எஃப்.ஐ - கே.எஸ்.யூ மாணவர் அமைப்பினருக்கிடையே கடுமையான மோதல் ஏற்பட்டு, 8 பேர் படுகாயமடைந்திருக்கின்றனர். தொடர்ந்து கேரளாவின் பல்வேறு மாவட்டங்களிலும் பதற்றம் நிலவுவதால், காவல்துறை கண்காணிப்பு தீவிரபடுத்தப்பட்டிருக்கிறது.

தீரஜ்

முதல்வர் கண்டனம்:

இந்தச் சம்பவம் குறித்து பேசிய கேரள முதலமைச்சர் பினராயி விஜயன், ``இடுக்கியில் உள்ள அரசுப் பொறியியல் கல்லூரி மாணவரும், எஸ்.எஃப்.ஐ செயல்பாட்டாளருமான தீரஜ் ராஜேந்திரன் படுகொலை செய்யப்பட்டிருப்பது மிகுந்த வருத்தம் தருகிறது. இந்தக் கொலைச் சம்பவம் கடும் கண்டனத்துக்குரியது. கல்லூரிகளில் கலவரத்தை உருவாக்கும் முயற்சியை அனுமதிக்க முடியாது. தீரஜ் கொலையாளிகளை சட்டத்தின் முன் நிறுத்த காவல்துறைக்கு உத்தரவிடப்பட்டுள்ளது" என்றார்.

பினராயி விஜயன்

சி.பி.எம் குற்றச்சாட்டு:

இந்தச் சம்பவம் குறித்து சி.பி.எம் மாநிலச் செயலாளர் கொடியேறி பாலகிருஷ்ணன், ``இது திட்டமிட்ட கொலை. மாநிலத்தில் கடந்த 6 ஆண்டுகளில் நிகழ்ந்திருக்கும் 21-வது இடதுசாரி கட்சி நிா்வாகி கொலை இது. இந்த வன்முறை அரசியலை பா.ஜ.க, காங்கிரஸ், எஸ்.டி.பி.ஐ கட்சிகள் நிறுத்திக் கொள்ள வேண்டும். குறிப்பாக, மாநிலத்தில் சட்டம்-ஒழுங்கு நிலையை சீா்குலைக்க காங்கிரஸ் முயற்சிக்கிறது" என குற்றம் சாட்டியிருக்கிறார்.

Also Read: கேரளா: மாணவரின் இதயத்தில் பாய்ந்த கத்தி... கொலையில் முடிந்த எஸ்.எஃப்.ஐ - கே.எஸ்.யூ மாணவர் சங்க மோதல்

மேலும், சி.பி.எம் கட்சியின் கல்வித்துறை அமைச்சர் பிந்து பேசியபோது, ``இளைஞா் காங்கிரஸ் தலைவா் தலைமையிலான கும்பல் பொறியியல் கல்லூரிக்குள் நுழைந்து மாணவா்கள் மீதான இந்த கொடூர தாக்குதலை நடத்தியுள்ளது. இந்த விவகாரத்தில் நீதியை நிலைநாட்ட அரசு தேவையான அனைத்து நடவடிக்கைகளையும் எடுக்கும்" என்றிருக்கிறார்.

கேரளா

காங்கிரஸ் மறுப்பு:

ஆனால் கேரள மாநில காங்கிரஸ் தலைவரான கே.சுதாகரன், ``இதுபோன்ற வன்முறைகளை ஒருபோதும் காங்கிரஸ் கட்சி ஆதரிக்காது. கேரளாவில் எந்தக் கட்சி அதிகமான வன்முறையில் ஈடுபட்டு வருகிறது என்பதை மக்களே தீா்மானிக்கட்டும். மாநிலத்தில் நடைபெறும் அனைத்து தாக்குதல்களுக்கும் பின்னணியில் யாா் இருக்கின்றனர் என்பதை மக்கள் அறிவார்கள். எனவே, எங்கள் மீது குற்றம்சாட்ட சி.பி.எம் கட்சிக்கு எந்த உரிமையும் இல்லை. இந்த கொலைக்கான பின்னணி குறித்து சி.பி.எம் கட்சியினர் தங்களை சுயபரிசோதனை செய்துகொள்ள வேண்டும்!" என காட்டாமாக பதிலளித்திருக்கிறார்.

இந்தச் சம்பவம் தொடர்பாக கே.எஸ்.யூ மாணவர் அமைப்பைச் சேர்ந்த நிகில் பைலியை கேரள காவல்துறை கைது செய்து, விசாரணை மேற்கொண்டு வருகிறது. மேலும், தப்பியோடிய பிற மாணவர்களையும் காவல்துறையினர் மிகத்தீவிரமாகத் தேடிவருகின்றனர்.


மேலும் படிக்க காங்கிரஸ் Vs சி.பி.எம்: தொடரும் 'அரசியல்' படுகொலைகளால் பற்றி எரியும் கேரளா! - என்ன நடக்கிறது அங்கு?
பொறுப்புத் துறப்பு: இந்த இணையதளத்தில் உள்ள அனைத்து தகவல்களும் பொதுவான தகவல் நோக்கத்திற்காக மட்டுமே வெளியிடப்படுகின்றன. இந்தத் தகவலின் முழுமை, நம்பகத்தன்மை மற்றும் துல்லியம் குறித்து எங்கள் இணையதளம் எந்த உத்தரவாதத்தையும் அளிக்காது. இந்த இணையதளத்தில் ( www.justinfointamil.co.in) நீங்கள் காணும் தகவல்களின் மீது நீங்கள் எடுக்கும் எந்த நடவடிக்கையும் கண்டிப்பாக உங்கள் சொந்த ஆபத்தில் இருக்கும். எங்கள் வலைத்தளத்தின் பயன்பாடு தொடர்பாக ஏற்படும் இழப்புகள் மற்றும்/அல்லது சேதங்களுக்கு நாங்கள் பொறுப்பல்ல.

கிரிப்டோகரன்சி என்பது கட்டுப்பாடற்ற டிஜிட்டல் நாணயம், சட்டப்பூர்வ டெண்டர் அல்ல மற்றும் சந்தை அபாயங்களுக்கு உட்பட்டது. கட்டுரையில் வழங்கப்பட்டுள்ள தகவல்கள் நிதி ஆலோசனை, வர்த்தக ஆலோசனை அல்லது JustInfoInTamil.co.in ஆல் வழங்கப்படும் அல்லது அங்கீகரிக்கப்பட்ட எந்த வகையான ஆலோசனைகள் அல்லது பரிந்துரைகளை உள்ளடக்கியதாக இல்லை. எந்தவொரு பரிந்துரைக்கப்பட்ட பரிந்துரை, முன்னறிவிப்பு அல்லது கட்டுரையில் உள்ள வேறு ஏதேனும் தகவலின் அடிப்படையில் எந்தவொரு முதலீட்டிலிருந்தும் ஏற்படும் இழப்புகளுக்கு www.justinfointamil.co.in பொறுப்பேற்காது.

அந்நியச் செலாவணியில் ("Forex") விளிம்புகளில் வர்த்தகம் செய்வது அதிக ஆபத்தை ஏற்படுத்துகிறது மற்றும் அனைத்து முதலீட்டாளர்களுக்கும் ஏற்றது அல்ல. கடந்தகால செயல்திறன் எதிர்கால முடிவுகளின் அறிகுறி அல்ல. இந்த விஷயத்தில், அதிக அளவு அந்நியச் செலாவணி உங்களுக்கு எதிராகவும், உங்களுக்காகவும் செயல்படலாம். நீங்கள் அந்நியச் செலாவணியில் முதலீடு செய்ய முடிவு செய்வதற்கு முன், உங்கள் முதலீட்டு நோக்கங்கள், அனுபவம், நிதி வாய்ப்புகள் மற்றும் அபாயங்களை எடுப்பதற்கான விருப்பம் ஆகியவற்றை கவனமாக மதிப்பீடு செய்ய வேண்டும். உங்கள் ஆரம்ப முதலீட்டை ஓரளவு அல்லது முழுமையாக இழக்க நேரிடும். எனவே, மோசமான சூழ்நிலையில் நீங்கள் முழுமையாக இழக்க முடியாத எந்த நிதியையும் நீங்கள் முதலீடு செய்யக்கூடாது. அந்நியச் செலாவணி வர்த்தகத்துடன் தொடர்புடைய அனைத்து அபாயங்களையும் நீங்கள் அறிந்திருக்க வேண்டும் மற்றும் சந்தேகம் ஏற்பட்டால் நிதி ஆலோசகரைத் தொடர்புகொள்ளவும்.

எங்கள் இணையதளத்தில் உள்ள சில செய்திகள் JustInfoInTamil ஆல் உருவாக்கப்படவில்லை அல்லது திருத்தப்படவில்லை. அந்த இணையதளத்தின் நேரடி இணைப்பையும் செய்தியின் கீழே கொடுத்துள்ளோம்

கருத்துரையிடுக

0 கருத்துகள்
* Please Don't Spam Here. All the Comments are Reviewed by Admin.
கருத்துரையிடுக (0)

buttons=(Accept !) days=(4)

We use cookies to improve your experience on our site and to show you relevant advertising. To find out more, read our Privacy Policy.
Accept !
To Top