``மாநில கல்விக் கொள்கை குழுவில் எங்கள் பிரதிநிதிகள் இல்லையா?" -தனியார் பள்ளி சங்கங்களின் கூட்டமைப்பு

0

``தமிழகத்தில் 45 சதவிகித மாணவர்களுக்கு கல்வி போதிக்கும் தனியார், சுயநிதி பள்ளிகளின் பிரதிநிதிகளை மாநிலக் கல்விக்குழுவில் சேர்க்க வேண்டும்" என்று தனியார் பள்ளிகளின் கூட்டமைப்பு முதலமைச்சரை வலியுறுத்தியுள்ளது.

முதலமைச்சர் மு.க.ஸ்டாலின்

தமிழக அரசின் புதியக் கல்விக்கொள்கையை வடிவமைக்க மாநில அளவிலான குழுவை அறிவித்துள்ளது தமிழக அரசு. உயர் நீதிமன்ற முன்னாள் நீதிபதி டி.முருகேசன் தலையிலான குழுவில் முன்னாள் துணைவேந்தர் ஜவஹர் நேசன், ஓய்வுபெற்ற கணினி அறிவியல் பேராசிரியர் ராமானுஜம், திட்டக்குழு உறுப்பினர்கள் பேராசிரியர் சுல்தான் இஸ்மாயில், பேராசிரியர் இராம சீனுவாசன், யுனிசெப் கல்வி அலுவலர் அருணா ரத்னம், எழுத்தாளர் எஸ்.ராமகிருஷ்ணன், செஸ் சாம்பியன் விஸ்வநாதன் ஆனந்த், இசைக்கலைஞர் டி.எம்.கிருஷ்ணா, கல்வியாளர்கள் துளசிதாஸ், ச.மாடசாமி, தலைமையாசிரியர் இரா.பாலு, அகரம் அறக்கட்டளை ஜெயஸ்ரீ தாமோதரன் ஆகியோர் நியமிக்கப்பட்டுள்ளார்கள்.

இந்த நிலையில் தங்கள் பிரதிநிதிகளையும் இக்குழுவில் சேர்க்க வேண்டும் என்று தமிழக முதலமைச்சருக்கு எம்.ஆறுமுகம் தலைவராக இருக்கும் தனியார் பள்ளி சங்கங்களின் கூட்டமைப்பு - (FePSA - Federation of Private School Associations) கோரிக்கை வைத்துள்ளது.

தனியார் பள்ளி

அவர்களது கோரிக்கை கடிதத்தில், "தமிழக அளவில் சங்கங்களின் கூட்டமைப்பின் கீழ் 30 -க்கும் மேற்பட்ட மாவட்ட சங்கங்களும், அதன் கீழ் 7000 தனியார், சுயநிதி பள்ளிகளும் உள்ளது.

இன்று இந்திய அளவில் கல்வியிலும் பொருளாதாரத்திலும் தமிழகம் தலைசிறந்து விளங்குவதற்கு மிக மிக முக்கிய பங்காற்றி வருவது தனியார் சுயநிதி பள்ளிகளே.

தமிழகத்தில் உள்ள சுமார் 140 லட்சம் பள்ளி மாணவர்களில் 65 லட்சத்திற்கும் மேற்பட்ட மாணவ மாணவியர்கள், அதாவது 45 சதவிகிதத்துக்கு மேல் தனியார் சுயநிதி பள்ளிகளில் படித்து வருபவர்களே.

அரசின் செலவினத்தை குறைத்து தரமான கல்வியை வழங்கி, தமிழகத்தை தலைநிமிர வைத்ததில் தனியார் சுயநிதி பள்ளிகளின் பங்கு முக்கியமானது.

மாநில கல்விக்கொள்கை

ஆனால், கடந்த சில ஆண்டுகளாக தனியார் சுயநிதி பள்ளிகளை தமிழக அரசு சரியாக கண்டுகொள்ளவில்லை. தமிழக வளர்ச்சியில் பெரிய பங்காற்றும் தனியார் சுயநிதி பள்ளிகளுக்கு உரிய முக்கியத்துவம் தராததும், அவற்றுக்கு வேண்டிய உதவிகளை செய்யாமல் இருப்பதோடு மட்டுமில்லாமல், ஏற்கனவே இருந்த சில உரிமைகளையும் பறிப்பது அதிர்ச்சி அளிக்கிறது.

இதேபோல் தொடர்ந்து தனியார் சுயநிதி பள்ளிகள் ஓரங்கட்டப்பட்டால் தமிழகமும் மிக விரைவில் பீகார், உத்திரபிரதேசம் போல் மாறிவிடும் வாய்ப்பு உள்ளது.

தற்போது தமிழக அரசால் அமைக்கப்பட்டுள்ள மாநில கல்விக் கொள்கை குழுவில் தனியார் சுயநிதி பள்ளிகளின் சார்பாக பள்ளி தாளாளர்களையோ, பள்ளி சங்க அமைப்புகளின் பிரதிநிதிகளையோ நியமிக்காமல் இருப்பது அதிர்ச்சி அளிக்கிறது.

பள்ளி மாணவர்கள்

65 லட்சம் மாணவ மாணவியர் பயிலும் தனியார் சுயநிதி பள்ளிகளின் பிரதிநிதிகளை கலந்து ஆலோசிக்காமல் எப்படி சரியான கல்விக் கொள்கைகளை வகுக்க முடியும்?

ஆகவே, புதிதாக அமைக்கப்பட்டுள்ள மாநில கல்விக் கொள்கைக் குழுவில், தனியார் சுயநிதி பள்ளிகள் சார்பாக குறைந்தது 3 பிரதிநிதிகளை உறுப்பினர்களாக சேர்க்க வேண்டும்" என முதலமைச்சருக்கு அனுப்பியுள்ள கடிதத்தில் வலியுறுத்தியுள்ளனர்.


மேலும் படிக்க ``மாநில கல்விக் கொள்கை குழுவில் எங்கள் பிரதிநிதிகள் இல்லையா?" -தனியார் பள்ளி சங்கங்களின் கூட்டமைப்பு
பொறுப்புத் துறப்பு: இந்த இணையதளத்தில் உள்ள அனைத்து தகவல்களும் பொதுவான தகவல் நோக்கத்திற்காக மட்டுமே வெளியிடப்படுகின்றன. இந்தத் தகவலின் முழுமை, நம்பகத்தன்மை மற்றும் துல்லியம் குறித்து எங்கள் இணையதளம் எந்த உத்தரவாதத்தையும் அளிக்காது. இந்த இணையதளத்தில் ( www.justinfointamil.co.in) நீங்கள் காணும் தகவல்களின் மீது நீங்கள் எடுக்கும் எந்த நடவடிக்கையும் கண்டிப்பாக உங்கள் சொந்த ஆபத்தில் இருக்கும். எங்கள் வலைத்தளத்தின் பயன்பாடு தொடர்பாக ஏற்படும் இழப்புகள் மற்றும்/அல்லது சேதங்களுக்கு நாங்கள் பொறுப்பல்ல.

கிரிப்டோகரன்சி என்பது கட்டுப்பாடற்ற டிஜிட்டல் நாணயம், சட்டப்பூர்வ டெண்டர் அல்ல மற்றும் சந்தை அபாயங்களுக்கு உட்பட்டது. கட்டுரையில் வழங்கப்பட்டுள்ள தகவல்கள் நிதி ஆலோசனை, வர்த்தக ஆலோசனை அல்லது JustInfoInTamil.co.in ஆல் வழங்கப்படும் அல்லது அங்கீகரிக்கப்பட்ட எந்த வகையான ஆலோசனைகள் அல்லது பரிந்துரைகளை உள்ளடக்கியதாக இல்லை. எந்தவொரு பரிந்துரைக்கப்பட்ட பரிந்துரை, முன்னறிவிப்பு அல்லது கட்டுரையில் உள்ள வேறு ஏதேனும் தகவலின் அடிப்படையில் எந்தவொரு முதலீட்டிலிருந்தும் ஏற்படும் இழப்புகளுக்கு www.justinfointamil.co.in பொறுப்பேற்காது.

அந்நியச் செலாவணியில் ("Forex") விளிம்புகளில் வர்த்தகம் செய்வது அதிக ஆபத்தை ஏற்படுத்துகிறது மற்றும் அனைத்து முதலீட்டாளர்களுக்கும் ஏற்றது அல்ல. கடந்தகால செயல்திறன் எதிர்கால முடிவுகளின் அறிகுறி அல்ல. இந்த விஷயத்தில், அதிக அளவு அந்நியச் செலாவணி உங்களுக்கு எதிராகவும், உங்களுக்காகவும் செயல்படலாம். நீங்கள் அந்நியச் செலாவணியில் முதலீடு செய்ய முடிவு செய்வதற்கு முன், உங்கள் முதலீட்டு நோக்கங்கள், அனுபவம், நிதி வாய்ப்புகள் மற்றும் அபாயங்களை எடுப்பதற்கான விருப்பம் ஆகியவற்றை கவனமாக மதிப்பீடு செய்ய வேண்டும். உங்கள் ஆரம்ப முதலீட்டை ஓரளவு அல்லது முழுமையாக இழக்க நேரிடும். எனவே, மோசமான சூழ்நிலையில் நீங்கள் முழுமையாக இழக்க முடியாத எந்த நிதியையும் நீங்கள் முதலீடு செய்யக்கூடாது. அந்நியச் செலாவணி வர்த்தகத்துடன் தொடர்புடைய அனைத்து அபாயங்களையும் நீங்கள் அறிந்திருக்க வேண்டும் மற்றும் சந்தேகம் ஏற்பட்டால் நிதி ஆலோசகரைத் தொடர்புகொள்ளவும்.

எங்கள் இணையதளத்தில் உள்ள சில செய்திகள் JustInfoInTamil ஆல் உருவாக்கப்படவில்லை அல்லது திருத்தப்படவில்லை. அந்த இணையதளத்தின் நேரடி இணைப்பையும் செய்தியின் கீழே கொடுத்துள்ளோம்

கருத்துரையிடுக

0 கருத்துகள்
* Please Don't Spam Here. All the Comments are Reviewed by Admin.
கருத்துரையிடுக (0)

buttons=(Accept !) days=(4)

We use cookies to improve your experience on our site and to show you relevant advertising. To find out more, read our Privacy Policy.
Accept !
To Top