`அன்று அதிகார போதை... இன்று அகதி வாழ்க்கை' - மகிந்த ராஜபக்சேவின் அலங்கோல காலச்சக்கரம்!

0

2009 மே மாதத்தில், ஈழப் போரை முடிவுக்குக் கொண்டுவந்ததன் மூலம், `சிங்களர்களின் மாமன்னன்' எனச் சிங்கள மக்களால் தலையில் தூக்கிவைத்துக் கொண்டாடப்பட்டார் மகிந்த ராஜபக்சே. சரியாக 13 ஆண்டுகள் கழித்து, 2022 மே மாதத்தில், அதே சிங்கள மக்களால் பிரதமர் பதவியிலிருந்து துரத்தியடிக்கப்பட்டிருக்கிறார் அவர். அன்று அப்பாவித் தமிழ் மக்களைக் கொன்று குவித்த மகிந்த, இன்று சிங்கள மக்களுக்குப் பயந்து தமிழ்ப் பகுதியான திரிகோணமலையில் ஒளிந்து கொண்டிருக்கிறார். கடந்த இரு தசாப்தங்களாக இலங்கையில் கோலோச்சிய மகிந்தவின் அரசியல் சாம்ராஜ்ஜியம் சுக்கு நூறாக்கப்பட்டிருக்கிறது. தனக்கு வாக்களித்தவர்களே தன்னை ஆட்சி அதிகாரத்திலிருந்து தூக்கியெறிவார்கள் என மகிந்த உள்பட எவருமே நினைத்துப் பார்த்திருக்கமாட்டார்கள்.

ராஜபக்சே குடும்பம்

1930-களிலேயே ராஜபக்சே குடும்பம் இலங்கை அரசியலில் கால்பதித்தது. 1936-ல் நடந்த தேர்தலில் ராஜபக்சே குடும்ப உறுப்பினரான டான் மேத்யூ ராஜபக்சே அம்பாந்தோட்டை மாவட்டத்தில் நடந்த தேர்தலில் வெற்றிபெற்று, அரச சபை உறுப்பினராகப் பதவியேற்றார். அதைத் தொடர்ந்த இவரின் சகோதரர் டான் ஆல்வின் ராஜபக்சே இலங்கை அரசியலில் களமிறங்கினார். 1947 முதல் 1965 வரை இலங்கையின் எம்.பி-யாக இருந்தவர், அமைச்சராகவும் பணியாற்றினார். இவருக்கு சமல், ஜெயந்தி, மகிந்த, கோத்தபய, சந்திரா, பசில், டட்லி, ப்ரீத்தி, கந்தானி என ஒன்பது குழந்தைகள். இந்தக் குடும்பம்தான் தற்போது வரை இலங்கை அரசியலில் முக்கியப் பங்கு வகித்துவருகிறது. அதிலும் குறிப்பாக மகிந்ததான், ராஜபக்சே குடும்பத்திலிருந்த வந்த முதல் அதிபர்.

முதல்முறையாக 2005 அதிபர் தேர்தலில் போட்டியிட்டார் மகிந்த. அதுவரை அமெரிக்காவில் வாழ்ந்துவந்த அவரின் இளைய சகோதரர்களான பசிலும், கோத்தபயவும் அண்ணன் போட்டியிடுவதாக அறிவித்த பிறகு இலங்கை திரும்பினர். மகிந்த போட்டியிட்டதால், விடுதலைப் புலிகள் உள்ளிட்ட தமிழ்த் தேசிய அமைப்புகள் அதிபர் தேர்தலைப் புறக்கணித்தனர். இந்த புறக்கணிப்பின் மகிந்தவுக்கு சாதகமாக அமைந்துவிட்டது. 2 சதவிகித வாக்குகள் வித்தியாசத்தில் வெற்றிபெற்றார் மகிந்த. இதையடுத்து, இலங்கையின் அனைத்துத் துறைகளிலும் கால்பதிக்கத் தொடங்கியது ராஜபக்சே குடும்பம். இலங்கையின் தற்போதைய சரிவுக்கு ஆரம்பப் புள்ளி அதுதான்.

மகிந்த ராஜபக்சே - கோத்தபய ராஜபக்சே

2009-ம் ஆண்டு தன்னிடமிருந்த உச்சபட்ச அதிகாரத்தைக் கொண்டு ஈழப் போரை முடிவுக்குக் கொண்டுவரத் திட்டமிட்டார் மகிந்த. அதன்படி உள்நாட்டுப் போரில் லட்சக் கணக்கான தமிழ் மக்களைக் கொன்று குவித்தது சிங்கள ராணுவம். அப்போது இலங்கையின் பாதுகாப்புத் துறை அமைச்சராக இருந்த கோத்தபயதான், சிங்கள ராணுவத்தை முழுக்க முழுக்க வழி நடத்தினார். சிங்கள ராணுவத்தினர், அப்பாவித் தமிழர்களைச் சித்ரவதை செய்து கொன்றது, பெண்களை பாலியல் வன்கொடுமை செய்தது என எல்லா கொடூரங்களுக்கும் மூலக் காரணம் மகிந்தவும், கோத்தபயவும்தான். ஈழப் போரில் பல்வேறு போர்க் குற்றங்கள் புரிந்ததால், மகிந்தவுக்கு எதிராக உலக நாடுகளிலுள்ள தலைவர்கள் குரல் கொடுத்தனர். இருந்தும், நாட்டின் உச்சபட்ச அதிகாரம் கையிலிருந்த காரணத்தால், `இது சர்வதேச சதி' என்று சொல்லிப் போர்க் குற்றங்களிலிருந்து எளிதாகத் தப்பித்தார் மகிந்த. ஆனால், இன்று கதை தலைகீழாக மாறியிருக்கிறது.

கடந்த வாரம் இலங்கையிலுள்ள ராஜபக்சே குடும்பத்தின் பூர்வீக வீடு கொழுந்துவிட்டு எரிந்த காணொலி சமூக வலைதளங்களில் வைரலானது. இதைப் பகிர்ந்த நெட்டிசன்கள் பலரும், ``அன்று அதிகார போதையில் தமிழர்களைக் கொன்று குவித்த மகிந்த ராஜபக்சே, இன்று சிங்கள மக்களால் விரட்டியடிக்கப்பட்டு அகதி வாழ்க்கை வாழ்ந்து கொண்டிருக்கிறார்'' என்று பதிவிட்டனர். ``சுமார் 20 ஆண்டுகளாக இலங்கை அரசியலில் கோலோச்சிய மகிந்தவின் அரசியல் வாழ்க்கை தற்போது முடிவுக்கு வந்திருக்கிறது. இன்னும் சில நாள்களில், தீவிரப் போர்க் குற்றங்கள் புரிந்த கோத்தபயவுக்கும் இதே நிலைதான் ஏற்படும். விரைவில் இவர்கள் இருவரும் சிறைக்குச் செல்லக்கூட வாய்ப்பிருக்கிறது'' என்கிறார்கள் இலங்கை அரசியலை உற்று நோக்குபவர்கள்.

ராஜபக்சே

2020-ம் ஆண்டில், சுமார் 69 லட்ச சிங்கள மக்களின் வாக்குகளைப் பெற்று பிரதமராகப் பதவியேற்றார் மகிந்த. தற்போது அதே மக்களால் அதிகம் வெறுக்கப்படும் மனிதராக மாறியிருக்கிறார். வாக்குகளுக்காக, இலங்கையிலுள்ள தமிழர்கள், இஸ்லாமியர்களுக்கு எதிராகச் சிங்கள மக்களைத் தூண்டிவிட்டு வேடிக்கை பார்த்தது ராஜபக்சே குடும்பம். ஆனால் இன்று, தமிழர்கள், இஸ்லாமியர்கள், சிங்களர்கள் என அனைவரும் ஒன்று சேர்ந்து ராஜபக்சே குடும்பத்துக்கு எதிராகப் போராடிவருகிறார்கள். இலங்கை அரசியலில், காட்சிகள் அப்படியே தலைகீழாக மாறிவிட்டன.

ஒரு ஜனநாயக நாட்டில், சர்வாதிகார ஆட்சி புரிந்தால், அவர்கள் முடிவு எப்படியிருக்கும் என்பதை வெளிச்சம் போட்டுக் காட்டுகின்றன இலங்கையின் சமீபத்திய அரசியல் நிகழ்வுகள்!

மேலும் படிக்க `அன்று அதிகார போதை... இன்று அகதி வாழ்க்கை' - மகிந்த ராஜபக்சேவின் அலங்கோல காலச்சக்கரம்!
பொறுப்புத் துறப்பு: இந்த இணையதளத்தில் உள்ள அனைத்து தகவல்களும் பொதுவான தகவல் நோக்கத்திற்காக மட்டுமே வெளியிடப்படுகின்றன. இந்தத் தகவலின் முழுமை, நம்பகத்தன்மை மற்றும் துல்லியம் குறித்து எங்கள் இணையதளம் எந்த உத்தரவாதத்தையும் அளிக்காது. இந்த இணையதளத்தில் ( www.justinfointamil.co.in) நீங்கள் காணும் தகவல்களின் மீது நீங்கள் எடுக்கும் எந்த நடவடிக்கையும் கண்டிப்பாக உங்கள் சொந்த ஆபத்தில் இருக்கும். எங்கள் வலைத்தளத்தின் பயன்பாடு தொடர்பாக ஏற்படும் இழப்புகள் மற்றும்/அல்லது சேதங்களுக்கு நாங்கள் பொறுப்பல்ல.

கிரிப்டோகரன்சி என்பது கட்டுப்பாடற்ற டிஜிட்டல் நாணயம், சட்டப்பூர்வ டெண்டர் அல்ல மற்றும் சந்தை அபாயங்களுக்கு உட்பட்டது. கட்டுரையில் வழங்கப்பட்டுள்ள தகவல்கள் நிதி ஆலோசனை, வர்த்தக ஆலோசனை அல்லது JustInfoInTamil.co.in ஆல் வழங்கப்படும் அல்லது அங்கீகரிக்கப்பட்ட எந்த வகையான ஆலோசனைகள் அல்லது பரிந்துரைகளை உள்ளடக்கியதாக இல்லை. எந்தவொரு பரிந்துரைக்கப்பட்ட பரிந்துரை, முன்னறிவிப்பு அல்லது கட்டுரையில் உள்ள வேறு ஏதேனும் தகவலின் அடிப்படையில் எந்தவொரு முதலீட்டிலிருந்தும் ஏற்படும் இழப்புகளுக்கு www.justinfointamil.co.in பொறுப்பேற்காது.

அந்நியச் செலாவணியில் ("Forex") விளிம்புகளில் வர்த்தகம் செய்வது அதிக ஆபத்தை ஏற்படுத்துகிறது மற்றும் அனைத்து முதலீட்டாளர்களுக்கும் ஏற்றது அல்ல. கடந்தகால செயல்திறன் எதிர்கால முடிவுகளின் அறிகுறி அல்ல. இந்த விஷயத்தில், அதிக அளவு அந்நியச் செலாவணி உங்களுக்கு எதிராகவும், உங்களுக்காகவும் செயல்படலாம். நீங்கள் அந்நியச் செலாவணியில் முதலீடு செய்ய முடிவு செய்வதற்கு முன், உங்கள் முதலீட்டு நோக்கங்கள், அனுபவம், நிதி வாய்ப்புகள் மற்றும் அபாயங்களை எடுப்பதற்கான விருப்பம் ஆகியவற்றை கவனமாக மதிப்பீடு செய்ய வேண்டும். உங்கள் ஆரம்ப முதலீட்டை ஓரளவு அல்லது முழுமையாக இழக்க நேரிடும். எனவே, மோசமான சூழ்நிலையில் நீங்கள் முழுமையாக இழக்க முடியாத எந்த நிதியையும் நீங்கள் முதலீடு செய்யக்கூடாது. அந்நியச் செலாவணி வர்த்தகத்துடன் தொடர்புடைய அனைத்து அபாயங்களையும் நீங்கள் அறிந்திருக்க வேண்டும் மற்றும் சந்தேகம் ஏற்பட்டால் நிதி ஆலோசகரைத் தொடர்புகொள்ளவும்.

எங்கள் இணையதளத்தில் உள்ள சில செய்திகள் JustInfoInTamil ஆல் உருவாக்கப்படவில்லை அல்லது திருத்தப்படவில்லை. அந்த இணையதளத்தின் நேரடி இணைப்பையும் செய்தியின் கீழே கொடுத்துள்ளோம்

கருத்துரையிடுக

0 கருத்துகள்
* Please Don't Spam Here. All the Comments are Reviewed by Admin.
கருத்துரையிடுக (0)

buttons=(Accept !) days=(4)

We use cookies to improve your experience on our site and to show you relevant advertising. To find out more, read our Privacy Policy.
Accept !
To Top