ஓய்வுக்காலத் திட்டமிடல்... முக்கியமான மூன்று நிலைகள் என்னென்ன?

0

ஓய்வுக்கால நிதித் திட்டத்தைச் செயல்படுத்தும்போது முக்கியமான மூன்று நிலைகளை நாம் எதிர்கொள்ள வேண்டியிருக்கும். இந்த நிலைகள் பற்றி கொஞ்சம் விளக்கமாகப் பார்ப்போம்.

என்.விஜயகுமார், நிதி ஆலோசகர், https://ift.tt/ACzfnNr

1. முதலீட்டைக் குவிக்கும் நிலை...

ஓய்வுக்காலத்துக்குத் தேவையான தொகுப்பு நிதிக்காக முதலீட்டை மேற்கொண்டு வருவது. இந்த முதலீட்டைக் குவிக்கும் காலமானது இந்தியாவைப் பொறுத்தவரை, சுமார் 10 முதல் 30 ஆண்டுகளாக இருக்கின்றன. அதாவது, பெரும்பாலானோர் 60 வயதில் பணி ஓய்வு பெறப்போகிறார்கள் எனில், அதற்கான முதலீட்டை ஓய்வுக்காலத்துக்கு சுமார் பத்து ஆண்டுக்கு முன் அதாவது, 50 வயதில்தான் அதைப் பற்றி யோசிக்கிறார்கள்; முதலீட்டை ஆரம்பிக்கிறார்கள். வெகு சிலர்தான் ஓய்வுக் காலத்துக்கு முன் 30 ஆண்டுகள் அல்லது 25 ஆண்டுகளுக்கு முன் அதாவது, 30 வயது அல்லது 35 வயதில் யோசித்து முதலீட்டை ஆரம்பிக்கிறார்கள்.

காரணம், இதற்கு இடைப்பட்டக் காலத்தில் பிள்ளைகளின் உயர்கல்வி, கல்யாணம், சொந்த வீடு, சொந்த கார் ஆகியவற்றுக்கான செலவு, கடன் மற்றும் முதலீட்டில் கவனம் செலுத்தி வருகிறார்கள்.

அவர்களின் வாழ்க்கைத் தரம் மற்றும் வாழ்க்கை முறையை (lifestyle) மேம்படுத்த அதிகம் செலவு செய்வதும் ஒரு முக்கியமான காரணமாக உள்ளது. மேலும், ஓய்வுக் காலத்துக் காக முதலீடு செய்ய வேண்டும் என்கிற விழிப்புணர்வும் இல்லை.

ஓய்வுக்காலத்துக்கு இன்னும் எவ்வளவு ஆண்டுகள் இருக்கின்றன, ரிஸ்க் எடுக்கும் திறன், தேவையான தொகுப்பு நிதி ஆகிய வற்றுக்கு ஏற்ப முதலீட்டை செய்துவரும் நிலை இதுவாகும்.

ரிஸ்க் எடுக்க விரும்பாதவர்கள், முதலீட்டுக் காலம் ஐந்தாண்டுக்குக் குறைவாக இருந்தால், வங்கி, தபால் அலுவலகத் தொடர் வைப்புத் திட்டம் (Recurring Deposit), வைப்பு நிதி, குறுகிய கால பாண்டுகள், கடன் பத்திரங்கள், கடன் சந்தை சார்ந்த திட்டங்கள் ஆகியவற்றில் முதலீடு செய்து வர வேண்டும்.

ரிஸ்க் எடுப்பவர்கள், ஐந்தாண்டுகளுக்குமேல் முதலீட்டுக் காலம் இருந்தால், நிறுவனப் பங்குகள், பங்குச் சந்தை சார்ந்த மியூச்சுவல் ஃபண்ட் திட்டங்களில் முதலீடு செய்து வர வேண்டும்.

ஓய்வுக்காலத்துக்கான முதலீட்டை இளம் வயதிலேயே ஆரம்பிக்க வேண்டும். அப்போதுதான் முதலீட்டின் மீதான வருமான வளர்ச்சி நன்றாக இருக்கும். மேலும், பணவீக்க விகிதத்தைவிட சற்றுக் கூடுதல் வருமானம் கிடைப்பதுடன், லாபத் துக்கு வருமான வரி அனுகூலமும் (குறைவான வட்டி கட்டும் நிலை) கிடைக்கும்.

முதலீட்டில் ரிஸ்க் எடுக்க விரும்பாதவர்கள் என்றாலும், முதலீட்டுக் காலம் 10 ஆண்டுகளுக்கு மேல் இருக்கும்பட்சத்தில், முதலீட்டின் ஒரு பகுதியை பங்குச் சந்தை சார்ந்த திட்டங்களில் (Equity Related Investments) செய்துவருவது அவசியமாகும்.

சுமார் 25 வயது முதல் 35 வயதுள்ள இளம் வயதினர் முதலீட்டுப் பெருக்கத்துக்காக அதிக ரிஸ்க் எடுக்கலாம். அவர்கள் தங்களின் ஓய்வுக்கால செலவுக்காக 100% தொகையைப் பங்கு சார்ந்த திட்டங்களில் முதலீடு செய்து வரலாம்.

பங்கு சார்ந்த முதலீடுகள் என்பது நிறுவனப் பங்குகள் மற்றும் பங்குச் சந்தை சார்ந்த மியூச்சுவல் ஃபண்டுகளைக் (ஃப்ளெக்ஸிகேப் ஃபண்டுகள், லார்ஜ்கேப் ஃபண்டுகள், மல்ட்டி கேஃப் ஃபண்டுகள், மிட்கேப் மற்றும் ஸ்மால்கேப் ஃபண்டுகள்) குறிக்கும்.

பணவீக்க விகிதத்தைவிட குறைவாக வருமானம் தரும் முதலீட்டுத் திட்டங்களைத் தவிர்ப்பது நல்லது. பலரும் எண்டோவ்மென்ட் பாலிசிகளில் ஓய்வுக்கால முதலீட்டுக்காக பணம் போட்டு வருகிறார்கள். இந்தத் திட்டங்கள் மூலம் நீண்ட காலத்தில் ஆண்டுக்கு சுமார் 4 - 5%தான் வருமானம் கிடைக்கும் என்பது அவர்களுக்குத் தெரிவதில்லை.

இந்தக் காலகட்டத்தில் அதிக வருமானம் ஈட்டுவதும் அதிக மாக சேமிப்பதும் மிக அவசிய மாகும். அப்போதுதான் இதர செலவுகள் போக, ஓய்வுக் காலத்துக்காக அதிக தொகையை முதலீடு செய்து வர முடியும்.

சிலர் தற்போதைய வருமானம் செலவுகளுக்கே சரியாகிவிடு கிறது; ஓய்வுக்காலத்துக்கு எங்கே சேமிப்பது என்கிறார்கள். இது போன்றவர்கள் குடும்ப பட்ஜெட் போட்டு செலவு செய்யாதவர் களாக இருப்பதுடன், கண்டபடி கிரெடிட் கார்டுகள் மூலம் பொருள்களை வாங்கிக் குவிப்பவர்களாக இருப்பார்கள்.

இந்த முதலீடு குவிக்கும் நிலையில், அவசரகால நிதியாக ஆண்டுச் சம்பளத்தைப் போல் 3 முதல் 6 மாதத்துக்கான தொகை, குடும்பத்தில் வருமானம் ஈட்டும் நபரின் ஆண்டு வருமானத்தைப் போல் சுமார் 15 மடங்கு தொகைக்கு ஆயுள் காப்பீடு குறிப்பாக, பிரீமியம் மிகக் குறைவான அதே நேரத்தில் அதிக கவரேஜ் அளிக்கும் டேர்ம் பிளான் மற்றும் குடும்ப உறுப் பினர்கள் அனைவருக்கும் மருத்து வக் காப்பீடு சுமார் ரூ.5 லட்சம் முதல் ரூ.10 லட்சம் வரைக்கும் எடுத்திருப்பது மிக அவசியம்.

2. முதலீட்டைப் பாதுகாக்கும் நிலை

அடுத்து, முதலீட்டைப் பாதுகாக்கும் நிலை (Transition Stage). முதலீட்டுக் கலவையை (Portfolio) வளர்ச்சி நிலையிலிருந்து வருமான (Income) நிலைக்கு மாற்று வது முதலீட்டைப் பாதுகாக்கும் நிலையாகும். அதாவது, முதலீட் டைப் பங்குச் சந்தை சார்ந்த திட்டங்களிலிருந்து கடன் சந்தை சார்ந்த திட்டங்களுக்கு (Debt Related Investments) மாற்றுவதாகும். அதாவது, நிறுவன பங்குகள், ஈக்விட்டி ஃபண்டுகளில் செய்யப் பட்டிருக்கும் முதலீட்டை ஃபிக்ஸட் டெபாசிட், கடன் சார்ந்த மியூச் சுவல் ஃபண்டுகளுக்கு முதலீட்டை பாதுகாப்பாக மாற்றி வைப்பதாகும். இதன் மூலம் மூலதனம் பாதுகாக்கப் படுவதுடன், தொகுப்பு நிதி மூலமான வருமானம் ஓரளவுக்கு நிலைநிறுத்தப்படுகிறது.

ஓய்வுக்காலத்துக்கு சுமார் மூன்று ஆண்டுகளுக்கு முன் இந்த மாற்றத்தை மேற்கொள்வது அவசியமாகும். அப்போது பங்குச் சந்தை இறக்கத்திலிருந்து ஓய்வுக் கால தொகுப்பு நிதியைப் பாதுகாக்க முடியும். மேலும், இந்த நிலையில் அனைத்துக் கடன்களையும் அடைத்துவிடுவது மிக முக்கியம். காரணம், பணி ஓய்வுக்குப் பிறகு, வருமானம் நின்ற நிலையில், கடன் தவணை கட்டுவது கஷ்டமான காரியமாக இருக்கும்.

3. செலவிடும் நிலை...

மூன்றாவது நிலை, செலவிடும் நிலை (The distribution stage) எனப்படும். இந்தக் காலகட்டத்தில் மாதம்தோறும் தொகுப்பு நிதி மூலம் வருமானம் வர ஏற்பாடு செய்வது மிக முக்கியம். ஃபிக்ஸட் டெபாசிட் மூலம் மாதம்தோறும் வட்டி அல்லது மியூச்சுவல் ஃபண்ட் முதலீட்டிலிருந்து சிஸ்டமேட்டிக் வித்ட்ராயல் பிளான் (Systematic Withdrawal Plan - SWP) முறையில் மாதம் குறிப்பிட்டத் தேதியில் குறிப்பிட்டத் தொகை வங்கிக் கணக்கு வரும்படி ஏற்பாடு செய்துகொள்ள வேண்டும்.

ஓய்வுக்கால தொகுப்பு நிதியில் பெரும்பகுதி அதாவது, சுமார் 70% - 75% வருமானம் சார்ந்த ஃபிக்ஸட் இன்கம் திட்டங்களாக இருக்க வேண்டும். ஓய்வுக்கால தொகுப்பு நிதியில் அதிக ரிஸ்க் எடுக்கக் கூடாது. அதே நேரத்தில், 5 ஆண்டுகளுக்கு மேற்பட்ட காலத்தில் தேவைப்படும் தொகையை வருமான வளர்ச்சிக்காக சிறு பகுதியைப் பங்கு சார்ந்த முதலீடுகளில் வைத்திருப்பதில் தவறில்லை.

(திட்டமிடல் தொடரும்)

ஓய்வுக்குப் பிறகு... உடனடியாக..!

பணி ஓய்வு பெற்றவுடன் யாரும் சும்மா இருக்கத் தேவையில்லை. அதிலிருந்து 3 அல்லது 5 ஆண்டுகளுக்கு பணிக் காலத்தில் ஆசைப்பட்டு நிறைவேறாமல் போன விஷயங்களை மேற்கொள்ள செலவிடலாம். பொதுவாக, பலரும் சுற்றுலா, கோயில்களுக்குச் செல்வதைதான் இந்தக் காலகட்டத் தில் மேற்கொள்கிறார்கள். வெகுசிலர் பிடித்த வேலையை சுயமாக அல்லது குறைந்த சம்பளத்துக்கு செய்துகொடுக்கிறார்கள். உதாரணமாக, தங்களுக்கு தெரிந்த தொழில்நுட்ப அறிவை பிறகுக்கு இலவச மாக அல்லது குறைந்த கட்டணத்தில் சொல்லிக் கொடுக்க நினைக்கிறார்கள். இன்னும் சிலர், சமூகம் தனக்குக் கொடுத்ததை சமூகத்துக்குத் திருப்பிக் கொடுக்க நினைக்கிறார்கள். அந்த வகையில், ஏழை எளிய மாணவர்களுக்கு கல்வி உதவி போன்றவற்றை மேற்கொள்கிறார்கள்.


மேலும் படிக்க ஓய்வுக்காலத் திட்டமிடல்... முக்கியமான மூன்று நிலைகள் என்னென்ன?
பொறுப்புத் துறப்பு: இந்த இணையதளத்தில் உள்ள அனைத்து தகவல்களும் பொதுவான தகவல் நோக்கத்திற்காக மட்டுமே வெளியிடப்படுகின்றன. இந்தத் தகவலின் முழுமை, நம்பகத்தன்மை மற்றும் துல்லியம் குறித்து எங்கள் இணையதளம் எந்த உத்தரவாதத்தையும் அளிக்காது. இந்த இணையதளத்தில் ( www.justinfointamil.co.in) நீங்கள் காணும் தகவல்களின் மீது நீங்கள் எடுக்கும் எந்த நடவடிக்கையும் கண்டிப்பாக உங்கள் சொந்த ஆபத்தில் இருக்கும். எங்கள் வலைத்தளத்தின் பயன்பாடு தொடர்பாக ஏற்படும் இழப்புகள் மற்றும்/அல்லது சேதங்களுக்கு நாங்கள் பொறுப்பல்ல.

கிரிப்டோகரன்சி என்பது கட்டுப்பாடற்ற டிஜிட்டல் நாணயம், சட்டப்பூர்வ டெண்டர் அல்ல மற்றும் சந்தை அபாயங்களுக்கு உட்பட்டது. கட்டுரையில் வழங்கப்பட்டுள்ள தகவல்கள் நிதி ஆலோசனை, வர்த்தக ஆலோசனை அல்லது JustInfoInTamil.co.in ஆல் வழங்கப்படும் அல்லது அங்கீகரிக்கப்பட்ட எந்த வகையான ஆலோசனைகள் அல்லது பரிந்துரைகளை உள்ளடக்கியதாக இல்லை. எந்தவொரு பரிந்துரைக்கப்பட்ட பரிந்துரை, முன்னறிவிப்பு அல்லது கட்டுரையில் உள்ள வேறு ஏதேனும் தகவலின் அடிப்படையில் எந்தவொரு முதலீட்டிலிருந்தும் ஏற்படும் இழப்புகளுக்கு www.justinfointamil.co.in பொறுப்பேற்காது.

அந்நியச் செலாவணியில் ("Forex") விளிம்புகளில் வர்த்தகம் செய்வது அதிக ஆபத்தை ஏற்படுத்துகிறது மற்றும் அனைத்து முதலீட்டாளர்களுக்கும் ஏற்றது அல்ல. கடந்தகால செயல்திறன் எதிர்கால முடிவுகளின் அறிகுறி அல்ல. இந்த விஷயத்தில், அதிக அளவு அந்நியச் செலாவணி உங்களுக்கு எதிராகவும், உங்களுக்காகவும் செயல்படலாம். நீங்கள் அந்நியச் செலாவணியில் முதலீடு செய்ய முடிவு செய்வதற்கு முன், உங்கள் முதலீட்டு நோக்கங்கள், அனுபவம், நிதி வாய்ப்புகள் மற்றும் அபாயங்களை எடுப்பதற்கான விருப்பம் ஆகியவற்றை கவனமாக மதிப்பீடு செய்ய வேண்டும். உங்கள் ஆரம்ப முதலீட்டை ஓரளவு அல்லது முழுமையாக இழக்க நேரிடும். எனவே, மோசமான சூழ்நிலையில் நீங்கள் முழுமையாக இழக்க முடியாத எந்த நிதியையும் நீங்கள் முதலீடு செய்யக்கூடாது. அந்நியச் செலாவணி வர்த்தகத்துடன் தொடர்புடைய அனைத்து அபாயங்களையும் நீங்கள் அறிந்திருக்க வேண்டும் மற்றும் சந்தேகம் ஏற்பட்டால் நிதி ஆலோசகரைத் தொடர்புகொள்ளவும்.

எங்கள் இணையதளத்தில் உள்ள சில செய்திகள் JustInfoInTamil ஆல் உருவாக்கப்படவில்லை அல்லது திருத்தப்படவில்லை. அந்த இணையதளத்தின் நேரடி இணைப்பையும் செய்தியின் கீழே கொடுத்துள்ளோம்

கருத்துரையிடுக

0 கருத்துகள்
* Please Don't Spam Here. All the Comments are Reviewed by Admin.
கருத்துரையிடுக (0)

buttons=(Accept !) days=(4)

We use cookies to improve your experience on our site and to show you relevant advertising. To find out more, read our Privacy Policy.
Accept !
To Top