100 கிடா; 1,300 கிலோ கறி; ரூ.10 கோடி மொய் வசூல்; திமுக எம்எல்ஏ நடத்திய பலே மொய் விருந்து!

0

பேராவூரணி தொகுதி தி.மு.க எம்.எல்.ஏ. அசோக்குமார், 100 கிடா வெட்டி 10,000 பேருக்கு அசைவ விருந்து வைத்து நடத்திய மொய் விருந்து விழாவில் ரூ10 கோடி மொய் வசூலாகியிருப்பது பெரும் ஆச்சர்யத்தை ஏற்படுத்தியுள்ளது.மொய் விருந்து வரலாற்றிலேயே இதுவே அதிகபட்சம் என அப்பகுதியினர் பேசி வருகின்றனர்.

மொய் விருந்து விழாவில் வசூலான பணம்

தஞ்சாவூர் மாவட்டத்தின் கடைமடை பகுதியான பேராவூரணி மற்றும் அதனைச் சுற்றியுள்ள கிராமங்களிள் கடந்த நூறு ஆண்டுகளுக்கு மேலாக மொய் விருந்து விழா நடத்தப்பட்டு வருகிறது. திருமணம் உள்ளிட்ட சுப நிகழ்ச்சிகள், வீடு கட்டுதல், விவசாய நிலங்கள் வாங்குதல், தொழில் முதலீடு,கல்வி செலவு உள்ளிட்ட பெரிய அளவில் பண தேவை இருக்கும் சமயத்தில் அப்பகுதியினர் மொய் விருந்து நடத்துவது வழக்கம்.

மொய் விருந்து விழா என அழைப்பிதழ் அச்சடித்து உறவினர்கள், நண்பர்கள் உள்ளிட்ட பலருக்கும் கொடுப்பார்கள்.மொய் விருந்திற்கு வரும் அனைவருக்கும் கிடா வெட்டி கறிக்குழம்பு சமைத்து அசைவ விருந்து வைப்பார்கள்.சாப்பிட்ட பிறகு விருந்தினர்கள் தங்களால் முடிந்த பணத்தை மொய்யாக தங்கள் பெயரில் மொய் விருந்து நடத்துபவரின் மொய் நோட்டில் எழுதி செல்வார்கள்.

அசோக்குமார் மொய் விருந்து விழாவிற்கான பிளக்ஸ்

மொய் விருந்து நடத்தியவர்கள் வசூலான பணத்தின் மூலம் தங்கள் வாழ்வாதாரத்தை மேம்படுத்திக் கொள்வர். பணத் தேவைக்காக வங்கியிலோ, தனிப்பட்ட நபர்களிடமோ வட்டிக்கு கடனாக பணம் வாங்காமல் இருக்கவும், கஷ்டத்தில் இருக்கும் உறவுகளுக்கு கை கொடுத்து உதவவும் தொடங்கப்பட்டதுடன் தொடர்ந்து கடைபிடிக்கப்பட்ட மொய் விருந்து கலாசாரம் இன்றைக்கு பெரிய அளவில் வளர்ச்சியடைந்திருப்பது குறிப்பிடத்தக்கது.

ஒரு நபர் மொய் பிடித்தால் அடுத்த ஐந்து ஆண்டுக்கு பிறகு தான் அடுத்த மொய் பிடிக்க வேண்டும்.மொய் செலுத்தியவர் மொய் விருந்து விழா நடத்தும் போது,மொய் வாங்கியவர்கள் அவர்கள் எழுதிய பணத்தை விட கூடுதலாக சேர்த்து திரும்ப மொய் எழுதும் நடைமுறை பின்பற்றப்பட்டு வருகிறது.கொரோனா பரவல், லாக்டெளன் உள்ளிட்ட காரணங்களால் கடந்த இரண்டு வருடங்களாக மொய் விருந்து விழாக்கள் பெரிய அளவில் நடைபெறவில்லை.

அசைவ சாப்பாடு

இந்நிலையில் தற்போது மீண்டும் மொய் விருந்து விழாக்கள் பழைய உற்சாகத்துடன் நடைபெறத் தொடங்கியுள்ளன. பேராவூரணி தொகுதி தி.மு.க எம்.எல்.ஏ அசோக்குமார் ஐந்து வருடங்களுக்கு முன்பு மொய் விருந்து நடத்தினார்.இந்த நிலையில் நேற்று மீண்டும் மொய் விருந்து நடத்தினார். பேராவூரணி ஸ்டேட் பேங்க அருகில் உள்ள திருமண மண்டபத்தில் காதணி விழா மொய் விருந்து என்ற பெயரில் மொய் விருந்திற்கான ஏற்பாட்டை விமர்சையான செய்திருந்தார்.

இதற்காக 100 கிடா வெட்டப்பட்டது.1,300 கிலோ கறியில் பெரிய அண்டாவில் கம கம மட்டன் குழம்பு,குடல் கூட்டு மற்றும் சோறு சமைக்கப்பட்டிருந்தது.அசைவம் சாப்பிடாதவர்களுக்கு தனியாக சைவ உணவு தயார் செய்திருந்தனர். 200க்கும் மேற்பட்டோர் சமையல் கலைஞர்கள் மூன்று பிரிவுகளாக பிரிக்கப்பட்டு சமையல் பணியில் ஈடுப்படுத்தப்பட்டனர்.

மட்டன் குழம்பு

காலையிலேயே மொய் நோட்டு எழுதுபவர்கள், பணத்தை வாங்கி பண சட்டியில் போடுபவர்கள் பணம் எண்ணும் மிஷினுடன் தயார் நிலையில் இருந்தனர்.குறிப்பிட்ட ஊரைச் சேர்ந்தவர்கள் குறிப்பிட்ட இடத்தில் மொய் செலுத்துவதற்கு வசதியாக அந்தந்த ஊரின் பெயர்கள் அடங்கிய போர்டு மொய் எழுதும் இடத்தில் வைக்கப்பட்டிருந்தது.

துப்பாக்கி ஏந்திய தனியார் செக்யூரிட்டிகள் பாதுகாப்பிற்கு நிறுத்தப்பட்டிருந்தனர். பத்துக்கும் மேற்பட்ட சிசிடிவி கேமராக்கள் பொறுத்தப்பட்டு அனைத்தும் கண்காணிக்கப்பட்டன. பேராவூரணி முழுவதும் மொய் விருந்தை வாழ்த்தி தி.மு.க நிர்வாகிகள் பிளக்ஸ் வைத்திருந்தனர். விழாவிற்கு வந்தவர்களுக்கு இலை நிறைய சோறு, கரண்டி நிறைய கறி வைத்து விருந்து வைக்கப்பட்டது. ஒரே நேரத்தில் 1,000 பேர் சாப்பிடக்கூடிய வகையில் ஏற்பாடு செய்யப்பட்டிருந்தது.

மொய் விருந்து விழா

சாப்பிட்ட பிறகு ரூ1,000 தொடங்கி ஐந்து லட்சம் வரை ஒவ்வொருவரும் தங்கள் வசதிகேற்ப மொய் எழுதி சென்றனர். இதில் மொத்தம் ரூ 10 கோடி மொய் வசூலாகியிருந்தது குறிப்பிடத்தக்கது. மொய் விருந்து வரலாற்றிலேயே ரூ10 கோடி வசூலாகியிருப்பது இதுவே முதல் முறை,இதுவே அதிகப்பட்சம் என்றும் புருவத்தை உயர்த்தியபடி அனைவரும் பேசி சென்றனர்.

மொய் விருந்தில் வசூலான பணத்தை தி.மு.க எம்.எல்.ஏ அசோக்குமார் பாதுகாப்பாக எடுத்துச் சென்றார். எந்த ஒரு மொய் தேவையாக இருந்தாலும் தவறாமல் கலந்து கொண்டு தன்னால் முடிந்த அளவில் மொய் எழுதுவார் அசோக்குமார். சாதி, மத வேறுபாடின்றி அனைவர் வீட்டு விழாக்களிலும் கலந்துகொள்பவர். அதனாலேயே பழைய, புதிய நடை என பலரும் தங்கள் வசதிகேற்ப மொய் எழுதினர்.

தி.மு.க எம்.எல்.ஏ அசோக்குமார்

இதன் மூலம் ரூ 10 கோடி வசூலானதாகவும் ஆளும் கட்சி எம்.எல்.ஏ அசத்திவிட்டதாக ஆச்சர்யம் பொங்க பேசி வருகின்றனர்.இது குறித்து தி.மு.க எம்.எல்.ஏ அசோக்குமாரிடம் பேசினோம்,``எல்லோருக்கும் விருந்து வைக்க வேண்டும் என்ற அடிப்படையில் எங்க பேரப்பிள்ளைகளுக்கு காதணி விழா நடத்தி விருந்துக்கான ஏற்பாட்டை செய்திருந்தேன். வந்திருந்த அனைவரும் மனதார வாழ்த்தியதாக" உற்சாகத்துடன் தெரிவித்தார்.


மேலும் படிக்க 100 கிடா; 1,300 கிலோ கறி; ரூ.10 கோடி மொய் வசூல்; திமுக எம்எல்ஏ நடத்திய பலே மொய் விருந்து!
பொறுப்புத் துறப்பு: இந்த இணையதளத்தில் உள்ள அனைத்து தகவல்களும் பொதுவான தகவல் நோக்கத்திற்காக மட்டுமே வெளியிடப்படுகின்றன. இந்தத் தகவலின் முழுமை, நம்பகத்தன்மை மற்றும் துல்லியம் குறித்து எங்கள் இணையதளம் எந்த உத்தரவாதத்தையும் அளிக்காது. இந்த இணையதளத்தில் ( www.justinfointamil.co.in) நீங்கள் காணும் தகவல்களின் மீது நீங்கள் எடுக்கும் எந்த நடவடிக்கையும் கண்டிப்பாக உங்கள் சொந்த ஆபத்தில் இருக்கும். எங்கள் வலைத்தளத்தின் பயன்பாடு தொடர்பாக ஏற்படும் இழப்புகள் மற்றும்/அல்லது சேதங்களுக்கு நாங்கள் பொறுப்பல்ல.

கிரிப்டோகரன்சி என்பது கட்டுப்பாடற்ற டிஜிட்டல் நாணயம், சட்டப்பூர்வ டெண்டர் அல்ல மற்றும் சந்தை அபாயங்களுக்கு உட்பட்டது. கட்டுரையில் வழங்கப்பட்டுள்ள தகவல்கள் நிதி ஆலோசனை, வர்த்தக ஆலோசனை அல்லது JustInfoInTamil.co.in ஆல் வழங்கப்படும் அல்லது அங்கீகரிக்கப்பட்ட எந்த வகையான ஆலோசனைகள் அல்லது பரிந்துரைகளை உள்ளடக்கியதாக இல்லை. எந்தவொரு பரிந்துரைக்கப்பட்ட பரிந்துரை, முன்னறிவிப்பு அல்லது கட்டுரையில் உள்ள வேறு ஏதேனும் தகவலின் அடிப்படையில் எந்தவொரு முதலீட்டிலிருந்தும் ஏற்படும் இழப்புகளுக்கு www.justinfointamil.co.in பொறுப்பேற்காது.

அந்நியச் செலாவணியில் ("Forex") விளிம்புகளில் வர்த்தகம் செய்வது அதிக ஆபத்தை ஏற்படுத்துகிறது மற்றும் அனைத்து முதலீட்டாளர்களுக்கும் ஏற்றது அல்ல. கடந்தகால செயல்திறன் எதிர்கால முடிவுகளின் அறிகுறி அல்ல. இந்த விஷயத்தில், அதிக அளவு அந்நியச் செலாவணி உங்களுக்கு எதிராகவும், உங்களுக்காகவும் செயல்படலாம். நீங்கள் அந்நியச் செலாவணியில் முதலீடு செய்ய முடிவு செய்வதற்கு முன், உங்கள் முதலீட்டு நோக்கங்கள், அனுபவம், நிதி வாய்ப்புகள் மற்றும் அபாயங்களை எடுப்பதற்கான விருப்பம் ஆகியவற்றை கவனமாக மதிப்பீடு செய்ய வேண்டும். உங்கள் ஆரம்ப முதலீட்டை ஓரளவு அல்லது முழுமையாக இழக்க நேரிடும். எனவே, மோசமான சூழ்நிலையில் நீங்கள் முழுமையாக இழக்க முடியாத எந்த நிதியையும் நீங்கள் முதலீடு செய்யக்கூடாது. அந்நியச் செலாவணி வர்த்தகத்துடன் தொடர்புடைய அனைத்து அபாயங்களையும் நீங்கள் அறிந்திருக்க வேண்டும் மற்றும் சந்தேகம் ஏற்பட்டால் நிதி ஆலோசகரைத் தொடர்புகொள்ளவும்.

எங்கள் இணையதளத்தில் உள்ள சில செய்திகள் JustInfoInTamil ஆல் உருவாக்கப்படவில்லை அல்லது திருத்தப்படவில்லை. அந்த இணையதளத்தின் நேரடி இணைப்பையும் செய்தியின் கீழே கொடுத்துள்ளோம்

கருத்துரையிடுக

0 கருத்துகள்
* Please Don't Spam Here. All the Comments are Reviewed by Admin.
கருத்துரையிடுக (0)

buttons=(Accept !) days=(4)

We use cookies to improve your experience on our site and to show you relevant advertising. To find out more, read our Privacy Policy.
Accept !
To Top