`3 திருமணங்கள், அமைச்சர் பெயரிலும் பொய் மூட்டைகள்’ - கோடிக்கணக்கில் பணத்தை சுருட்டிய கரூர் இளம்பெண்

0

கரூர் ஆதிவிநாயகர் கோயில் பகுதியைச் சேர்ந்தவர்கள், சேகர், ராஜம்மாள் தம்பதியினர். இந்த தம்பதியின் 24 வயது நிரம்பிய மகளான சௌமியா என்ற சபரிதான், அந்த பலே கில்லாடி லேடி. பி.காம் படித்துவிட்டு, ஒரு தனியார் மருத்துவமனையில் வரவேற்பாளராக பணிபுரிந்த அவருக்கு, ஆடம்பரமாக வாழ ஆசை வந்திருக்கிறது. ஆனால், அதற்கு தான் பார்த்து வந்த வேலையில் கிடைத்த வருமானம் போதாமல் போக, அங்குதான் தனது ரூட்டை மாற்றிருக்கிறார்.

அதன்பிறகு, நடந்தவற்றை, காவல்துறை வட்டாரத்தில் விசாரித்தோம்.

சபரி

"வறுமையான குடும்பத்தில் பிறந்த சபரி, வசதிவாய்ப்பாக வாழ ஆசைப்பட்டிருக்கிறார். அதற்காக, வழி தேடியிருக்கிறார். இந்த நிலையில்தான், அரியலூரைச் சேர்ந்த சக்தி என்பவரை திருமணம் செய்திருக்கிறார். அதன்பிறகு, அவரை பிரிந்த சபரி, 2019 க்கு பிறகு சொந்த வீட்டை விட்டும் வெளியேறியிருக்கிறார். அதன்பிறகு, ராமநாதபுரம் மாவட்டத்தைச் சேர்ந்த தற்போது சென்னையில் பணியாற்றும் காவலர் சுரேஷ் என்பவரை இரண்டாவது திருமணம் செய்து கொண்டார். இதனால், பெற்றோர் சௌமியா என்கிற சபரியின் நடவடிக்கை பிடிக்காமல் மகளே வேண்டாம் என ஒதுங்கி கொண்டார்கள்.

ராமநாதபுரம் மாவட்டத்தில் வசித்தபோது காவலர் சுரேஷின் உறவினரான சதீஷ் என்பவரிடம் அழகான பெண் ஒருவரின் புகைப்படத்தை காட்டி, 'இவ எனக்கு தெரிஞ்சவதான். பேரு கவின். உனக்கு இவளை மணமுடிக்கிறேன்' என்று ஆசை வார்த்தை காட்டி, அவர் மூலமாக பலரிடம் பணம், நகை என ஏமாற்றி வாங்கியதாகச் சொல்லப்படுகிறது. சுமார் ஒரு கோடி அளவுக்கு மதிப்பிலான, 124 பவுன் நகை, ரூ. 42 லட்சம் ரொக்கத்தை ஏமாற்றியிருக்கிறார். சுரேஷை கைகழுகவ நினைக்க, அதன்காரணமாக சதீஷ் கொடுத்த புகாரில் ராமநாதபுரம் மாவட்ட குற்றப்பிரிவு காவல் துறையில் பெறப்பட்ட புகார் அடிப்படையில் கைது செய்யப்பட்டு, மதுரை மத்திய சிறையில் அடைக்கப்பட்டு, பெயிலில் வெளியே வந்திருக்கிறார்..

அதன்பிறகு, ஈரோட்டை சேர்ந்த டெக்ஸ்டைல் நிறுவன ஊழியர் சீனிவாசன் என்பவரை மூன்றாவது திருமணம் செயததோடு, சூலூர் பகுதியில் தங்கி இருந்தபோது, பலரிடம் அரசு வேலை பொய்யைச் சொல்லி, ரூ. 37 லட்சத்தை மோசடி செய்திருக்கிறார். அதேபோல், போத்தனூர் பகுதியில் பலரிடம் வேலை வாங்கித் தருவதாக கூறி, 37 பவுன் தங்கம் மற்றும் 7 லட்சம் ரூபாய் மோசடி செய்ததாக ஒரு வழக்கில் சிக்கினார். இதனால், கோவை மாவட்ட குற்றப்பிரிவில் மோசடி வழக்கு பதிவு செய்யப்பட்டு இரண்டாவது முறையாக கைது செய்யப்பட்டு கோவை மத்திய சிறையில் அடைக்கப்பட்டார். அந்த வழக்கிலும் ஜாமீன் பெற்று வெளியே வந்த சபரி, அதன்பிறகு தனது சொந்த ஊரான கரூருக்கு வந்து, காந்திகிராமம் பகுதியில் உள்ள தனியார் மனநல மருத்துவமனையில் வரவேற்பாளராக பணியாற்றியிருக்கிறார்.

அதோடு, காந்திகிராமத்தில் உள்ள பிரபல ஜோசியர் மீனாட்சி சுந்தரம் என்பவர் வீட்டில் தங்கியதோடு, ஜோதிடர் மூலமாக அவரின் உறவினர்கள் 8 பேர்களிடம், 'அமைச்சர் செந்தில் பாலாஜி எனக்கு உறவினர். நான் சொன்னா, எதையும் செய்வார். அரசு வேலை, பணிமாறுதல்னு எது வேணும்னூ கேளுங்க. செஞ்சு தர சொல்றேன்'னு ஏகத்துக்கும் பொய்மூட்டைகளை அவிழ்த்துவிட்டு, ஒண்ணேமுக்கால் லட்சத்தை ஏமாற்றி வாங்கியிருக்கிறார். அதேபோல், யசோதா என்பவர் மூலமாக, கரூர் மாவட்டத்தைச் சேர்ந்த 17 பேரிடம் அரசு துறையில் வேலை வாங்கி தருவதாக கூறி, ரூ. 27,70,000 வரை பணத்தைப் பெற்றுக் கொண்டு ஏமாற்றி வந்துள்ளார்.

சபரி

ஆனால், சொன்னபடி யாருக்கும் அரசு வேலையோ, பணிமாறுதலோ வாங்கி தரவில்லை. சபரி ஓர் ஏமாற்று பேர்வழி என்பதை உணர்ந்த பலரும் அவரிடம் பணத்தை திருப்பி கேட்டுள்ளனர். ஆனால், அவர்களிடம் சாக்குப்போக்கு சொல்லி, சால்சாப்பு செய்தவர், அந்த பணத்தில் வெள்ளியணை வடக்குப் பகுதியில் ரூ. 7 லட்சத்தில் பிளாட் வாங்கியிருக்கிறார். அதோடு, பணம் கேட்டு வருபவர்களிடம் இருந்து தப்பிக்க, பகல் நேரத்தில் வீட்டில் இருப்பதை தவிர்த்து வந்துள்ளார். இந்த நிலையில்தான், இவருக்கு பணம் வாங்கி கொடுத்த யசோதாவிடம் பலரும் பணம் கேட்டு நெருக்க, அவரின் மகன் கண்ணனுக்கு சபரி காந்தி கிராமத்தில் இருப்பது தெரிந்ததும், கையும் களவுமாக பிடித்து வந்து, பசுபதிபாளையம் காவல் நிலையதில் ஒப்படைத்தார். அதற்குள், இந்த வழக்கை கரூர் குற்றப்பிரிவுக்கு மாற்றப்பட, கரூரைச் சேர்ந்த ஜனனி என்பவர் தனது கணவருக்கு அரசு வேலை வாங்கி தருவதாக சபரி பணம் வாங்கிகொண்டு ஏமாற்றியதாக புகார் கொடுக்க, சபரி மீது கரூர் மாவட்ட குற்றப்பிரிவு உதவி ஆய்வாளர் மகாலட்சுமி, இரு பிரிவுகளின் கீழ் வழக்குப் பதிவு செய்து, அவரை சிறைக்கு அனுப்பியிருக்கிறார்.

ஆனால், நாலாவதாக கரூரைச் சேர்ந்த ஓர் ஆட்டோ டிரைவரை திருமணம் செய்துகொள்வதாக, ஏமாற்றி கடந்த ஞாயிறன்று நிச்சயதார்த்தம் நிகழ்ச்சி நடத்த இருந்தாராம். ஆனால், அதற்கு மூன்று நாட்களுக்கு முன்பு, சபரி போட்டோவை காண்பித்து, அவரைப் பற்றி அந்த ஆட்டோ டிரைவர் விசாரிக்க போக, சபரியின் வண்டவாளங்கள் தெரியபோய், கடைசி நேரத்தில் அவரிடம் இருந்து தப்பித்ததாகச் சொல்றாங்க" என்றார்கள்.

இதற்கிடையில்,, சபரியின் தில்லாலங்கடி கைங்கர்யங்கள் குறித்து, அவரை விசாரணை செய்த போலீஸார் கதைகதையாக விவரிக்கிறார்கள். ``இத்தனைப் பேரிடமும், ஒன்றரை கோடிக்கு மேல் ஏமாற்றியிருந்தாலும், பண விசயத்தில் தனது அக்கவுண்டில் ஒருரூபாயை கூட சம்பந்தப்பட்டவர்களை போட சொன்னதில்லையாம். தனக்கு தெரிந்தவர்கள் வங்கி கணக்குகளில் பணத்தை போடச் செய்து, அவர்கள் மூலமாக பணத்தை எடுக்கச் சொல்லி, வாங்கிகொள்வாராம். அவர்களுக்கும் கொஞ்சம் பணம் கொடுப்பாராம். அதோடு, அவரின் உண்மையான பெயர் சபரி, அனைத்து சான்றிதழ்களிலும் சபரி என்றுதான் உள்ளது. ஆனால், சௌமியா என்ற பெயரை பயன்படுத்தி மோசடியில் ஈடுபட்டு வந்துள்ளார். அதேபோல், ராமநாதபுரத்தில் இருந்தபோது, இரண்டாவது கணவர் சுரேஷையும், அவரது உறவினர்களையும் ஏமாற்றி பணம் பறிக்க, இரண்டுமுறை கர்ப்பமானதாக நடித்து, வளைகாப்பு நிகழ்ச்சி நடத்த வைத்திருக்கிறார். அதற்காக, பலரிடம் பணம் பறித்திருக்கிறார். அதன்பிறகு, கர்ப்பம் கலைந்துவிட்டது என்று சொல்லி, எல்லோரையும் ஏமாற்றியிருக்கிறார். அதேபோல், சூலூர் பகுதி மோசடி வழக்கில் அவர் மாட்டியபோது, அவரை போலீஸார் கையும் களவுமாக பிடித்துவிட்டனர். ஆனால், தனக்கு உடல்நிலை சரியில்லை என்று ஏக நாடகம் நடத்தி, 108 ஆம்புலன்ஸை வரவைத்து, அதில் ஏறி தப்பித்துவிட்டாராம். இப்படி ஏமாற்றி பறித்த பணத்தில் பிளாட் வாங்கி அதில் வீடு கட்ட நினைத்திருக்கிறார். அதோடு, அந்த வீட்டில் என்னென்ன பொருட்கள் வாங்கி வைக்கணும்னு ஒரு பேப்பரில் லிஸ்ட் எல்லாம் எழுதி வைத்திருந்தார். அதை பார்த்ததும், நாங்க அதிர்ச்சியாயிட்டோம்" என்றார்.

சுகுமாறன் (கரூர் குற்றப்பிரிவு டி.எஸ்.பி)

இதுகுறித்து, நம்மிடம் பேசிய கரூர் மாவட்ட குற்றப்பிரிவு காவல் துறை கண்காணிப்பாளர் சுகுமாறன், "கைது செய்யப்பட்ட மோசடி இளம் பெண் சௌமியா என்கிற சபரி. இளம்வயதில் பல்வேறு குற்ற சம்பவங்களில் ஈடுபட்ட்டுள்ளார். தனது 24 வயதில் மூன்று மத்திய சிறைகளில் மோசடியில் ஈடுபட்டதாக கைது செய்யப்பட்டு சிறைக்கு சென்றுள்ளார். அவர் வெள்ளியணை அருகே வாங்கிய ரூ. 7 லட்சம் மதிப்பிலான நிலத்தின் பத்திரத்தையும், 59 கிராம் தங்க நகைகளையும், ஒரு கிலோ அளவுக்கான வெள்ளி பொருட்களையும் பறிமுதல் செய்துள்ளோம். .இதன் மூலம், சபரியிடம் பணத்தை இழந்த சிலருக்கு நீதிமன்றம் மூலம் பணம் கிடைக்க வாய்ப்புள்ளது. சிறையில் அடைக்கப்பட்டுள்ள சபரியை மீண்டும் விசாரணைக்கு எடுத்து விசாரணை செய்தால் மோசடி செய்த மொத்த பணம் எங்கே வைத்துள்ளார் யாரிடம் கொடுத்து வைத்துள்ளார் என்பது குறித்து தெரியவரும். சபரியிடம் இனி யாரும் ஏமாறகூடாது என்பதே எங்களின் நோக்கம்" என்றார்.

ஆசையே அழிவுக்கான ஆரம்பம் என்பார்கள். சபரிக்கே அது நன்றாகவே பொருந்தி போயிருக்கிறது!.


மேலும் படிக்க `3 திருமணங்கள், அமைச்சர் பெயரிலும் பொய் மூட்டைகள்’ - கோடிக்கணக்கில் பணத்தை சுருட்டிய கரூர் இளம்பெண்
பொறுப்புத் துறப்பு: இந்த இணையதளத்தில் உள்ள அனைத்து தகவல்களும் பொதுவான தகவல் நோக்கத்திற்காக மட்டுமே வெளியிடப்படுகின்றன. இந்தத் தகவலின் முழுமை, நம்பகத்தன்மை மற்றும் துல்லியம் குறித்து எங்கள் இணையதளம் எந்த உத்தரவாதத்தையும் அளிக்காது. இந்த இணையதளத்தில் ( www.justinfointamil.co.in) நீங்கள் காணும் தகவல்களின் மீது நீங்கள் எடுக்கும் எந்த நடவடிக்கையும் கண்டிப்பாக உங்கள் சொந்த ஆபத்தில் இருக்கும். எங்கள் வலைத்தளத்தின் பயன்பாடு தொடர்பாக ஏற்படும் இழப்புகள் மற்றும்/அல்லது சேதங்களுக்கு நாங்கள் பொறுப்பல்ல.

கிரிப்டோகரன்சி என்பது கட்டுப்பாடற்ற டிஜிட்டல் நாணயம், சட்டப்பூர்வ டெண்டர் அல்ல மற்றும் சந்தை அபாயங்களுக்கு உட்பட்டது. கட்டுரையில் வழங்கப்பட்டுள்ள தகவல்கள் நிதி ஆலோசனை, வர்த்தக ஆலோசனை அல்லது JustInfoInTamil.co.in ஆல் வழங்கப்படும் அல்லது அங்கீகரிக்கப்பட்ட எந்த வகையான ஆலோசனைகள் அல்லது பரிந்துரைகளை உள்ளடக்கியதாக இல்லை. எந்தவொரு பரிந்துரைக்கப்பட்ட பரிந்துரை, முன்னறிவிப்பு அல்லது கட்டுரையில் உள்ள வேறு ஏதேனும் தகவலின் அடிப்படையில் எந்தவொரு முதலீட்டிலிருந்தும் ஏற்படும் இழப்புகளுக்கு www.justinfointamil.co.in பொறுப்பேற்காது.

அந்நியச் செலாவணியில் ("Forex") விளிம்புகளில் வர்த்தகம் செய்வது அதிக ஆபத்தை ஏற்படுத்துகிறது மற்றும் அனைத்து முதலீட்டாளர்களுக்கும் ஏற்றது அல்ல. கடந்தகால செயல்திறன் எதிர்கால முடிவுகளின் அறிகுறி அல்ல. இந்த விஷயத்தில், அதிக அளவு அந்நியச் செலாவணி உங்களுக்கு எதிராகவும், உங்களுக்காகவும் செயல்படலாம். நீங்கள் அந்நியச் செலாவணியில் முதலீடு செய்ய முடிவு செய்வதற்கு முன், உங்கள் முதலீட்டு நோக்கங்கள், அனுபவம், நிதி வாய்ப்புகள் மற்றும் அபாயங்களை எடுப்பதற்கான விருப்பம் ஆகியவற்றை கவனமாக மதிப்பீடு செய்ய வேண்டும். உங்கள் ஆரம்ப முதலீட்டை ஓரளவு அல்லது முழுமையாக இழக்க நேரிடும். எனவே, மோசமான சூழ்நிலையில் நீங்கள் முழுமையாக இழக்க முடியாத எந்த நிதியையும் நீங்கள் முதலீடு செய்யக்கூடாது. அந்நியச் செலாவணி வர்த்தகத்துடன் தொடர்புடைய அனைத்து அபாயங்களையும் நீங்கள் அறிந்திருக்க வேண்டும் மற்றும் சந்தேகம் ஏற்பட்டால் நிதி ஆலோசகரைத் தொடர்புகொள்ளவும்.

எங்கள் இணையதளத்தில் உள்ள சில செய்திகள் JustInfoInTamil ஆல் உருவாக்கப்படவில்லை அல்லது திருத்தப்படவில்லை. அந்த இணையதளத்தின் நேரடி இணைப்பையும் செய்தியின் கீழே கொடுத்துள்ளோம்

கருத்துரையிடுக

0 கருத்துகள்
* Please Don't Spam Here. All the Comments are Reviewed by Admin.
கருத்துரையிடுக (0)

buttons=(Accept !) days=(4)

We use cookies to improve your experience on our site and to show you relevant advertising. To find out more, read our Privacy Policy.
Accept !
To Top