இந்தியில் மருத்துவப் படிப்பு - சாதக, பாதகங்கள் என்னென்ன?!

0

இந்தியாவிலேயே முதல் முறையாக இந்தி மொழியில் மருத்துவ படிப்புகளை படிக்க மத்திய பிரதேச பா.ஜ.க அரசு, இந்தியில் மருத்துவ பாடப்புத்தகங்களை மொழிபெயர்த்து வெளியிட்டிருக்கிறது. அக். 16 மத்தியப் பிரதேசத் தலைநகர் போபாலில் உள்ள காந்தி மருத்துவக் கல்லூரியில் புத்தகங்கள் வெளியீட்டு விழா நடைபெற்றது. இந்த விழாவில் கலந்துகொண்ட மத்திய உள்துறை அமைச்சர் அமித் ஷா, இந்தியில் மொழிபெயர்க்கப்பட்ட முதலாம் ஆண்டுக்கான உடற்கூறியல், உடலியல், உயிர் வேதியியல் ஆகிய மூன்று புத்தகங்களை வெளியிட்டார்.

இந்தியில் மருத்துவப் பாட புத்தகங்கள் வெளியீட்டு விழாவில் அமித் ஷா

இந்தியில் மொழிபெயர்க்கப்பட்ட இந்தப் பாடப்புத்தகங்கள் மத்தியப்பிரதேசத்தில் இருக்கும் 13 மருத்துவக் கல்லூரியின் முதலாம் ஆண்டு மாணவர்களுக்கு கற்பிக்கப்படவுள்ளன. சுமார், 97 மருத்துவக் கல்லூரி ஆசிரியர்கள், நிபுணர்கள் இணைந்து, 5,568 மணி நேரத்திற்கும் மேலாக பணியாற்றி இந்த பாடங்களை இந்தியில் மொழிப் பெயர்த்திருக்கின்றனர்.

இந்த நிலையில், இந்தியில் மருத்துவப் படிப்புக்கு சாதகமான கருத்துக்களும், அதேசமயம் பாதகமான கருத்துக்களும் வலுப்பெற்றிருக்கின்றன.

பா.ஜ.க தலைவர்கள் சொல்லும் சாதகங்கள்:

பிரதமர் நரேந்திர மோடி தனது ட்விட்டர் பக்கத்தில், ``மருத்துவக் கல்வித் துறையில் இந்த ஆரம்பம் நாட்டில் ஒரு பெரிய நேர்மறையான மாற்றத்தை கொண்டு வரப்போகிறது. இதன் மூலம் லட்சக்கணக்கான மாணவர்கள் தங்கள் சொந்த மொழியில் படிக்க முடியும், அவர்களுக்கு பல வாய்ப்புகளின் கதவுகள் திறக்கப்படும்" என்று குறிப்பிட்டிருக்கிறார்.

பிரதமர் மோடி

மத்திய உள்துறை அமைச்சர் அமித் ஷா, ``புதிய தேசிய கல்விக்கொள்கையின் படி மருத்துவ படிப்புகளை அவரவர் தாய் மொழியில் படிக்க ஏதுவாக, இந்திக்கு மொழிபெயர்த்திருக்கிறோம். கடந்த 232 நாள்களாக 97 மருத்துவ நிபுணர்கள் அடங்கிய குழு மிகவும் சிறப்பாக செயல்பட்டு மொழி பெயர்த்திருக்கிறது. இது வரலாற்று சிறப்புமிக்க முடிவு. கல்வித்துறையில் மறுமலர்ச்சியின் தருணம் இது. தாய்மொழியில் படிக்கும்போது மாணவர்கள் தங்கள் திறமையை சிறந்தமுறையில் வெளிப்படுத்த முடியும். தாய்மொழியில்தான் சிறப்பாக சிந்திக்கவும், புரிந்துகொள்ளவும், ஆராய்ச்சி செய்யவும், செயல்படவும் முடியும். இந்திய மாணவர்கள் தங்கள் தாய்மொழியில் தொழில்நுட்பம் மற்றும் மருத்துவக்கல்வி படிக்கும்போது, உலகின் முக்கிய கல்வி மையமாக இந்தியா மாறும்!" எனத் தெரிவித்திருக்கிறார்.

அமித் ஷா

மத்தியப் பிரதேச முதல்வர் சிவராஜ் சிங் சவுகான், ``மருத்துவம் மற்றும் பொறியியல் படிப்புகளை இந்தியில் கற்பிக்க முடியாது என்ற எண்ணத்தை இது மாற்றும். இந்தி மொழியிலும் கல்வி கற்பதன் மூலம் வாழ்க்கையில் முன்னேறலாம் என்ற எண்ணத்தை நடைமுறைக்கு கொண்டு வருவதற்கான ஒரு படி இது. கல்வி மொழி தாய்மொழியில் இருக்க வேண்டும் என்ற பிரதமர் நரேந்திர மோடியின் கனவை மத்திய பிரதேச அரசு நிறைவேற்றியிருக்கிறது'' என்றார்.

மத்திய பிரதேச கல்வித்துறை அமைச்சர் விஸ்வாஸ் சராங், ``மத்திய பிரதேச அரசு செய்துள்ள இந்த இந்தி வழியில் மருத்துவக் கல்வி என்பது இந்தி வழியில் கற்கும் முறையில் பெரும் மாற்றத்தினையும், புதிய மைல் கல்லாகவும் இருக்கும். மேலும், இந்தி வழி மருத்துவ பாடப்புத்தகங்கள் என்பது இந்திய மருத்துவ கல்வித் துறையில் மிகப் பெரிய சாதனை. நாட்டிலேயே இந்தியில் மருத்துவக் கல்வியைத் தொடங்கும் முதல் மாநிலமாக மத்தியப் பிரதேசம் இருக்கும். இந்தியில் எம்.பி.பி.எஸ் படிப்புக்கான முன்னோடித் திட்டம் காந்தி மருத்துவக் கல்லூரியில் இருந்து தொடங்கும்" என்றிருக்கிறார்.

மத்தியப் பிரதேச முதல்வர் சிவராஜ் சிங் சவுகான்

உத்தரப்பிரதேச முதல்வர் யோகி ஆதித்யநாத் தனது ட்விட்டர் பக்கத்தில், ``உத்தரப் பிரதேசத்தில் உள்ள சில மருத்துவம் மற்றும் பொறியியல் புத்தகங்கள் இந்தியில் மொழிபெயர்க்கப்பட்டு வருகிறது. வரும் ஆண்டு முதல், இந்த பாடங்களின் படிப்புகள் மாநிலத்தின் பல்கலைக்கழகங்கள் மற்றும் கல்லூரிகளில் இந்தியில் படிக்க கிடைக்கும்'' எனத் தெரிவித்திருக்கிறார்.

மருத்துவக்கல்லூரி மாணவர்கள்

இந்திய மருத்து அகாடமி மருத்துவர் சொல்லும் பாதகங்கள்:

இந்திய மருத்துவ அகாடமியின் முதன்மை ஆய்வாளரான டாக்டர் நரேஷ் புரோகித் (Principal Investigator of Indian Medical Academy of Preventive Health), ``இந்தியில் மருத்துவக் கல்வி படிப்பது என்பது பாதகமான விளைவுகளை ஏற்படுத்தும்" என கருத்துதெரிவித்திருக்கிறார்.

இதுகுறித்து அவர் மேலும் தெரிவித்திருப்பதாவது, ``இந்தியா பன்முகத்தன்மை கொண்ட நாடு. இப்படிப்பட்ட பின்னணி கொண்ட மாணவர்கள் அரசு மருத்துவ கல்லூரிகளில் படிக்க வருவார்கள். தமிழ்நாடு, கேரளா போன்ற தென்னிந்திய மாநில மாணவர்கள் இந்தியில் சரளமாக பேசும்திறன் கொண்டிருக்க மாட்டார்கள். இவர்களுக்கு இந்த முடிவு பாதிப்பை ஏற்படுத்தும்.

டாக்டர் நரேஷ் புரோகித்

மேலும், எம்.பி.பி.எஸ். என்பது அடிப்படை பட்டப் படிப்பு அல்ல. உயிர் ஆபத்தான சூழலில் மருத்துவர்கள் அனைத்தையும் பயன்படுத்த வேண்டும். ஒரு குறிப்பிட்ட பிராந்தியத்தில் மட்டும் மருத்துவர்கள் பணியாற்ற முடியாது. அவர்கள் பிற வாய்ப்புகளையும் தேட விரும்புவார்கள். இந்தியில் மருத்துவம் படித்தால் அவர்கள் இந்தியாவிலிருந்து மேல்படிப்பு படிக்கவோ அல்லது ஆராய்ச்சிகள் நடத்தவோ வெளிநாடுகளுக்குச் செல்ல முடியாது.

WHO உலக சுகாதார அமைப்பு

உலக சுகாதார அமைப்பு (WHO), யுனிசெப் (UNICEF) போன்றவற்றின் மருத்துவ பத்திரிகைகள், வழிமுறைகள், ஒழுங்குமுறைகளைத்தான் டாக்டர்கள் பின்பற்ற வேண்டும். ஆனால், அவை அனைத்தும் ஆங்கிலத்தில்தான் உள்ளன. வெறும் எம்.பி.பி.எஸ். படிப்புடன் மருத்துவ மாணவர்கள் படிப்பை நிறுத்த மாட்டார்கள். அதை முடித்தவுடன் அல்லது அதன்பின்னர் அவர்கள் உயர் படிப்பு படிப்பார்கள். அவர்களுக்கு முதுநிலை படிப்புகளும் மாநில மொழிகளில் வரவேண்டியத் தேவை ஏற்படும்" என இந்தியில் மருத்துவப் பாடத்திட்டங்கள் படித்தால் வரும் பாதகங்களைப் பட்டியலிட்டிருக்கிறார்.

இவர் தவிர, மருத்துவர்கள், கல்வியாளர்கள் மற்றும் சில எதிர்க்கட்சியினர், ``ஏற்கனவே நீட் தேர்வானது, அங்கீகரிக்கப்பட்ட மொழிகளிலேயே 13 மொழிகளில் மட்டும்தான் நடத்தப்பட்டு வரும் நிலையில் அவரவர் தாய்மொழியில் மருத்துவக்கல்வி என மத்திய அரசு கூறுவது ஏற்புடையதாக இல்லை" என விமர்சித்திருக்கின்றனர்.


மேலும் படிக்க இந்தியில் மருத்துவப் படிப்பு - சாதக, பாதகங்கள் என்னென்ன?!
பொறுப்புத் துறப்பு: இந்த இணையதளத்தில் உள்ள அனைத்து தகவல்களும் பொதுவான தகவல் நோக்கத்திற்காக மட்டுமே வெளியிடப்படுகின்றன. இந்தத் தகவலின் முழுமை, நம்பகத்தன்மை மற்றும் துல்லியம் குறித்து எங்கள் இணையதளம் எந்த உத்தரவாதத்தையும் அளிக்காது. இந்த இணையதளத்தில் ( www.justinfointamil.co.in) நீங்கள் காணும் தகவல்களின் மீது நீங்கள் எடுக்கும் எந்த நடவடிக்கையும் கண்டிப்பாக உங்கள் சொந்த ஆபத்தில் இருக்கும். எங்கள் வலைத்தளத்தின் பயன்பாடு தொடர்பாக ஏற்படும் இழப்புகள் மற்றும்/அல்லது சேதங்களுக்கு நாங்கள் பொறுப்பல்ல.

கிரிப்டோகரன்சி என்பது கட்டுப்பாடற்ற டிஜிட்டல் நாணயம், சட்டப்பூர்வ டெண்டர் அல்ல மற்றும் சந்தை அபாயங்களுக்கு உட்பட்டது. கட்டுரையில் வழங்கப்பட்டுள்ள தகவல்கள் நிதி ஆலோசனை, வர்த்தக ஆலோசனை அல்லது JustInfoInTamil.co.in ஆல் வழங்கப்படும் அல்லது அங்கீகரிக்கப்பட்ட எந்த வகையான ஆலோசனைகள் அல்லது பரிந்துரைகளை உள்ளடக்கியதாக இல்லை. எந்தவொரு பரிந்துரைக்கப்பட்ட பரிந்துரை, முன்னறிவிப்பு அல்லது கட்டுரையில் உள்ள வேறு ஏதேனும் தகவலின் அடிப்படையில் எந்தவொரு முதலீட்டிலிருந்தும் ஏற்படும் இழப்புகளுக்கு www.justinfointamil.co.in பொறுப்பேற்காது.

அந்நியச் செலாவணியில் ("Forex") விளிம்புகளில் வர்த்தகம் செய்வது அதிக ஆபத்தை ஏற்படுத்துகிறது மற்றும் அனைத்து முதலீட்டாளர்களுக்கும் ஏற்றது அல்ல. கடந்தகால செயல்திறன் எதிர்கால முடிவுகளின் அறிகுறி அல்ல. இந்த விஷயத்தில், அதிக அளவு அந்நியச் செலாவணி உங்களுக்கு எதிராகவும், உங்களுக்காகவும் செயல்படலாம். நீங்கள் அந்நியச் செலாவணியில் முதலீடு செய்ய முடிவு செய்வதற்கு முன், உங்கள் முதலீட்டு நோக்கங்கள், அனுபவம், நிதி வாய்ப்புகள் மற்றும் அபாயங்களை எடுப்பதற்கான விருப்பம் ஆகியவற்றை கவனமாக மதிப்பீடு செய்ய வேண்டும். உங்கள் ஆரம்ப முதலீட்டை ஓரளவு அல்லது முழுமையாக இழக்க நேரிடும். எனவே, மோசமான சூழ்நிலையில் நீங்கள் முழுமையாக இழக்க முடியாத எந்த நிதியையும் நீங்கள் முதலீடு செய்யக்கூடாது. அந்நியச் செலாவணி வர்த்தகத்துடன் தொடர்புடைய அனைத்து அபாயங்களையும் நீங்கள் அறிந்திருக்க வேண்டும் மற்றும் சந்தேகம் ஏற்பட்டால் நிதி ஆலோசகரைத் தொடர்புகொள்ளவும்.

எங்கள் இணையதளத்தில் உள்ள சில செய்திகள் JustInfoInTamil ஆல் உருவாக்கப்படவில்லை அல்லது திருத்தப்படவில்லை. அந்த இணையதளத்தின் நேரடி இணைப்பையும் செய்தியின் கீழே கொடுத்துள்ளோம்

கருத்துரையிடுக

0 கருத்துகள்
* Please Don't Spam Here. All the Comments are Reviewed by Admin.
கருத்துரையிடுக (0)

buttons=(Accept !) days=(4)

We use cookies to improve your experience on our site and to show you relevant advertising. To find out more, read our Privacy Policy.
Accept !
To Top