சிறையில் அமைச்சர்கள்... அரவிந்த் கெஜ்ரிவாலின் அடுத்த மூவ் என்ன?!

0

பா.ஜ.க எதிர்ப்பு நிலையில் இருக்கும் ஆம் ஆத்மி கட்சிக்கு, பா.ஜ.க தரப்பிலிருந்து நெருக்கடி கொடுக்கப்படுகிறது என்ற குற்றச்சாட்டு தொடர்ந்து முன்வைக்கப்படுகிறது. ஆம் ஆத்மி தலைவரும் டெல்லி முதல்வருமான அரவிந்த் கெஜ்ரிவாலின் நம்பிக்கைக்குரிய தளபதிகளான டெல்லி துணை முதல்வர் மணீஷ் சிசோடியாவும், சுகாதாரத்துறை அமைச்சர் சத்யேந்தர் ஜெயினும் சிறையில் தள்ளப்பட்டிருக்கிறார்கள். அவர்கள் இருவரும் அமைச்சர் பதவிகளை ராஜினாமா செய்திருக்கிறார்கள். ஆம் ஆத்மி அமைச்சரவையில் நிதி, கல்வி, தொழிற்கல்வி, பொதுப்பணித்துறை, தொழிலாளர் துறை, கலால் துறை ஆகிய துறைகளுக்கு அமைச்சராக இருந்தார் மணீஷ் சிசோடியா. சுகாதாரம், சிறைத்துறை அமைச்சராக சத்யேந்தர் ஜெயின் இருந்தார்.

சிசோடியா

டெல்லி மதுபானக் கொள்கையில் முறைகேடு நடந்ததாகவும், அதில் மணீஷ் சிசோடியாவுக்கு தொடர்பு இருப்பதாகவும் சில மாதங்களுக்கு முன்பு குற்றச்சாட்டு எழுந்தது. அந்த வழக்கில், சி.பி.ஐ-யால் அவர் கைது செய்யப்பட்டார். இவருக்கு முன்பாக, பணப்பரிமாற்ற குற்றச்சாட்டு தொடர்பாக அமலாக்கத்துறையால் கடந்த ஆண்டு மே மாதம் கைது செய்யப்பட்டார் சத்யேந்தர் ஜெயின்.

ஆட்சிக்கு பக்கபலமாக இருந்த இருவர் திடீரென கைது செய்யப்பட்டது கெஜ்ரிவாலுக்கு பெரிய பாதிப்புதான். ஆனாலும், அவர்கள் இல்லாத சூழலிலும் ஆட்சியை சுமூகமாக நடத்த வேண்டும் என்பதற்கான முயற்சியில் கெஜ்ரிவால் ஈடுபட்டிருக்கிறார். அடுத்த வாரம் பட்ஜெட் கூட்டத்தொடர் ஆரம்பிக்கிறது. எந்தவித பிரச்னையும் இல்லாமல் பட்ஜெட்டைத் தாக்கல் செய்வதற்கான நடவடிக்கையை மேற்கொண்டுவரும் முதல்வர் கெஜ்ரிவால், இரண்டு புதிய அமைச்சர்களை நியமிக்கவிருக்கிறார். மணீஷ் சிசோடியா, சத்யேந்தர் ஜெயின் ஆகியோரின் இடங்களில் சுராப் பரத்வாஜ், அதிஷி ஆகியோரை அமர்த்தப்படுகிறார்கள்.

அதிஷி, சுராப் பரத்வாஜ்

அடுத்ததாக, ‘ஆம் ஆத்மிக்கு இழைக்கப்பட்ட அநீதி’யை மக்களிடம் எடுத்துச்செல்லும் வகையில், வீடு வீடாகச் சென்று மக்ளைச் சந்திக்க கெஜ்ரிவால் முடிவெடுத்திருக்கிறார். இது குறித்து செய்தியாளர்களிடம் பேசிய அவர், ``இந்திரா காந்தி அதீதமாக நடந்துகொண்டார். இப்போது, இவர்களும் (பெயர் குறிப்பிடவில்லை) அப்படி நடந்துகொள்கிறார்கள். எனவே, மக்களிடம் செல்லப்போகிறோம். ஆம் ஆத்மியின் அனைத்து தலைவர்களும் எம்.எல்.ஏ-க்களும் அமைச்சர்களும் வீடுவீடாகச் சென்று மக்களைச் சந்திப்பார்கள்” என்றார்.

மேலும், “மதுபான நிறுவனத்திடமிருந்து மணீஷ் சிசோடியா பணம் வாங்கியதாக அவர்கள் குற்றம்சாட்டுகிறார்கள். சிசோடியா வீட்டை சோதனையிட்டார்கள். மெத்தைகளைக் கிழித்தார்கள். சுவர்களை இடித்தார்கள். சிசோடியாவின் பெற்றோர் வீட்டையும் சோதனையிட்டார்கள். ஆனால், அவர்களுக்கு எதுவும் கிடைக்கவில்லை. இந்தியாவுக்கு புகழை கொண்டுவந்த சேர்த்த இருவரை, பிரதமர் சிறையில் அடைத்துவிட்டார்.

அரவிந்த் கெஜ்ரிவால்

கோடிக்கணக்கான ரூபாய் அளவுக்கு ஊழல் நடந்திருந்தால், சில லட்சம் ரூபாயாவது அவரின் வீட்டில் இருந்திருக்கும். சிசோடியாவின் வங்கிக் கணக்கையும் லாக்கரையும் அவர்கள் ஆய்வு செய்தனர். அதிலும் எதுவும் கிடைக்கவில்லை. சிசோடியா கோடிக்கணக்கான ரூபாய் வாங்கியிருந்தால், அந்தப் பணம் எங்கே?” என்று கெஜ்ரிவால் கேள்வி எழுப்பினார்.

காங்கிரஸ் கட்சி தலைமையிலான ஐக்கிய முற்போக்கு கூட்டணி ஆட்சியில் பல்வேறு ஊழல்கள் நடைபெற்றதாகக் கூறித்தான், அந்த ஆட்சியை அகற்றுவதற்கு அன்னா ஹசாரேவுடன் இணைந்து வீதியில் போராடியவர் கெஜ்ரிவால். அதன் மூலம் கிடைத்த அறிமுகத்தால் அரசியல் கட்சியை ஆரம்பித்து இரண்டு மாநிலங்களில் ஆட்சி நடத்துகிறார். இப்போது, இவரின் அமைச்சரவையில் இருந்தவர்களே ஊழல் குற்றச்சாட்டில் சிறை சென்றிருக்கும் நிலையில், மீண்டும் மக்களிடம் செல்ல கெஜ்ரிவால் முடிவெடுத்திருக்கிறார். மக்கள் சந்திப்பின் மூலம் பா.ஜ.க-வின் சவால்களை முறியடிப்பாரா கெஜ்ரிவால்? பொறுத்திருந்து தான் பார்க்க வேண்டும்!


மேலும் படிக்க சிறையில் அமைச்சர்கள்... அரவிந்த் கெஜ்ரிவாலின் அடுத்த மூவ் என்ன?!
பொறுப்புத் துறப்பு: இந்த இணையதளத்தில் உள்ள அனைத்து தகவல்களும் பொதுவான தகவல் நோக்கத்திற்காக மட்டுமே வெளியிடப்படுகின்றன. இந்தத் தகவலின் முழுமை, நம்பகத்தன்மை மற்றும் துல்லியம் குறித்து எங்கள் இணையதளம் எந்த உத்தரவாதத்தையும் அளிக்காது. இந்த இணையதளத்தில் ( www.justinfointamil.co.in) நீங்கள் காணும் தகவல்களின் மீது நீங்கள் எடுக்கும் எந்த நடவடிக்கையும் கண்டிப்பாக உங்கள் சொந்த ஆபத்தில் இருக்கும். எங்கள் வலைத்தளத்தின் பயன்பாடு தொடர்பாக ஏற்படும் இழப்புகள் மற்றும்/அல்லது சேதங்களுக்கு நாங்கள் பொறுப்பல்ல.

கிரிப்டோகரன்சி என்பது கட்டுப்பாடற்ற டிஜிட்டல் நாணயம், சட்டப்பூர்வ டெண்டர் அல்ல மற்றும் சந்தை அபாயங்களுக்கு உட்பட்டது. கட்டுரையில் வழங்கப்பட்டுள்ள தகவல்கள் நிதி ஆலோசனை, வர்த்தக ஆலோசனை அல்லது JustInfoInTamil.co.in ஆல் வழங்கப்படும் அல்லது அங்கீகரிக்கப்பட்ட எந்த வகையான ஆலோசனைகள் அல்லது பரிந்துரைகளை உள்ளடக்கியதாக இல்லை. எந்தவொரு பரிந்துரைக்கப்பட்ட பரிந்துரை, முன்னறிவிப்பு அல்லது கட்டுரையில் உள்ள வேறு ஏதேனும் தகவலின் அடிப்படையில் எந்தவொரு முதலீட்டிலிருந்தும் ஏற்படும் இழப்புகளுக்கு www.justinfointamil.co.in பொறுப்பேற்காது.

அந்நியச் செலாவணியில் ("Forex") விளிம்புகளில் வர்த்தகம் செய்வது அதிக ஆபத்தை ஏற்படுத்துகிறது மற்றும் அனைத்து முதலீட்டாளர்களுக்கும் ஏற்றது அல்ல. கடந்தகால செயல்திறன் எதிர்கால முடிவுகளின் அறிகுறி அல்ல. இந்த விஷயத்தில், அதிக அளவு அந்நியச் செலாவணி உங்களுக்கு எதிராகவும், உங்களுக்காகவும் செயல்படலாம். நீங்கள் அந்நியச் செலாவணியில் முதலீடு செய்ய முடிவு செய்வதற்கு முன், உங்கள் முதலீட்டு நோக்கங்கள், அனுபவம், நிதி வாய்ப்புகள் மற்றும் அபாயங்களை எடுப்பதற்கான விருப்பம் ஆகியவற்றை கவனமாக மதிப்பீடு செய்ய வேண்டும். உங்கள் ஆரம்ப முதலீட்டை ஓரளவு அல்லது முழுமையாக இழக்க நேரிடும். எனவே, மோசமான சூழ்நிலையில் நீங்கள் முழுமையாக இழக்க முடியாத எந்த நிதியையும் நீங்கள் முதலீடு செய்யக்கூடாது. அந்நியச் செலாவணி வர்த்தகத்துடன் தொடர்புடைய அனைத்து அபாயங்களையும் நீங்கள் அறிந்திருக்க வேண்டும் மற்றும் சந்தேகம் ஏற்பட்டால் நிதி ஆலோசகரைத் தொடர்புகொள்ளவும்.

எங்கள் இணையதளத்தில் உள்ள சில செய்திகள் JustInfoInTamil ஆல் உருவாக்கப்படவில்லை அல்லது திருத்தப்படவில்லை. அந்த இணையதளத்தின் நேரடி இணைப்பையும் செய்தியின் கீழே கொடுத்துள்ளோம்

கருத்துரையிடுக

0 கருத்துகள்
* Please Don't Spam Here. All the Comments are Reviewed by Admin.
கருத்துரையிடுக (0)

buttons=(Accept !) days=(4)

We use cookies to improve your experience on our site and to show you relevant advertising. To find out more, read our Privacy Policy.
Accept !
To Top